ہم اکثر مشہور شخصیات کے بارے میں سنتے ہیں جنہیں مداحوں کے ساتھ ناخوشگوار صورتحال کا سامنا کرنا پڑتا ہے۔

حال ہی میں معروف بالی وڈ اداکارہ روینہ ٹنڈن کے ساتھ بھی ایسی صورتحال پیش آئی جو مداحوں کی سیلیبریٹریز کے ساتھ ملاقات کی پیچیدگیوں کو بھی ظاہر کرتی ہے۔

روینہ ٹنڈن کی راہگیروں کے ساتھ لڑائی، معاملہ کیا؟

ویڈیو میں اداکارہ کو لوگوں کے ہجوم میں گھرے ہوئے دیکھا گیا۔

برطانیہ کے دارالحکومت لندن میں انہوں نے ایک مداح کی جانب سے سیلفی لینے کی درخواست کو مسترد کردیا تھا جس کے بعد انہوں نے اپنے اس فعل پر سرِ عام معذرت کی اور اسے یقین دہانی کروائی کہ وہ اس سے لندن میں ملاقات کریں گی اور ساتھ تصویر بھی لیں گی۔

اپنے انسٹاگرام پر شیئر کردہ ایک پوسٹ میں روینہ ٹنڈن نے اس بارے میں اپنا مؤقف بیان کیا کہ انہوں نے مداح کے ساتھ تصویر کیوں نہیں لی۔

پوسٹ میں انہوں نے ذکر کیا کہ وہ ہوٹل کی پچھلی گلی میں تھیں جب دو آدمی ان کے قریب آئے، وہ بار بار پوچھ رہے تھے، 'کیا آپ روینہ ہو؟'

ایسے میں تنہا اور بے چین محسوس کرتے ہوئے اداکارہ نے اپنی رفتار تیز کر دی، کیوں کہ بھارت میں اپنے گھر کے باہر ہجوم کے ساتھ پیش آئے ناخوشگوار واقعے سے وہ گھبرا گئی تھیں۔

روینہ ٹنڈن پر نشے میں دھت ہو کر گاڑی چلانے کا الزام، حقیقت کیا؟

جب جھگڑا بڑھ گیا تو روینہ ڈرائیور کو ہجوم سے بچانے لگیں

اداکارہ نے اپنی پوسٹ میں لکھا کہ 'انہوں نے تصویر نہیں مانگی، وہ صرف یہ سوال کرتے رہے کہ کیا میں روینہ ہوں؟ لندن میں جرائم کی شرح اور لوگوں کے لوٹے جانے کی کہانیوں کے ساتھ، میں خوفزدہ تھی، سڑک خالی تھی، اور اگر یہ زیادہ مصروف ہوتی تو شاید میں اتنی گھبرا نہ جاتی'۔

انہوں نے مزید بتایا کہ 'ممبئی کے واقعے کے بعد سے میں ہجوم کے بارے میں زیادہ محتاط ہو گئی ہوں'۔

بعد ازاں انہوں نے اپنی انسٹاگرام پوسٹ میں معافی مانگی اور مداحوں سے دوبارہ ملنے کی خواہش کا اظہار کیا۔

اس صورت حال میں ایک مثبت پہلو اس وقت سامنے آیا جب مداح، بھاوین پٹیل نے انسٹاگرام پر روینہ کے مینیجر سے رابطہ کیا۔

کس بالی وڈ اداکار کی وجہ سے روینہ اور کرشمہ کی لڑائی ہوئی؟

دونوں اداکاراؤں کی لڑائی ہاتھا پائی تک بھی پہنچ گئی تھی۔

مداح نے اداکارہ کے نقطہ نظر کو سمجھتے ہوئے اور انہیں یقین دلاتے ہوئے، 'میں پوری طرح سمجھ سکتا ہوں کہ جب اجنبی لوگ رابطہ کرتے ہیں تو یہ عورت کے لیے خوفناک ہو سکتا ہے۔ معافی مانگنے کی ضرورت نہیں ہے۔'

جس پر روینہ نے  انہیں رپلائی کرتے ہوئے کہا کہ میں اس دن کے لیے بہت معذرت خواہ ہوں، میں گھبرا گئی تھی، ریما (مینیجر) سے رابطہ کرنے کا شکریہ، ہم لندن میں ضرور ملیں گے اور ساتھ ایک تصویر بھی لیں گے۔