بالی وڈ کی دلکش اداکارہ ایشوریہ رائے بچن نے بالی وڈ سے کنارہ کشی اختیار کی ہوئی ہے تاہم وہ ساؤتھ انڈین فلموں میں اپنی کارکردگی سے خوب دھوم مچارہی ہیں۔

حال ہی میں ساؤتھ انڈین انٹرنیشنل مووی ایوارڈز (SIIMA) 2024 کا تازہ ترین ایڈیشن دبئی میں منعقد ہوا جس میں اداکارہ ایشوریا رائے بچن کو ‘بیسٹ ایکٹریس اِن لیڈنگ رول‘ (کرٹکس) کا ایوارڈ دیاگیا۔

آرادھیا اور چیان وکرم کے درمیان کیا ہوا؟

سیما ایوارڈز کی تقریب میں اداکارہ ایشوریا کے ہمراہ ان کی اکلوتی بیٹی آرادھیا بچن بھی موجود تھیں تاہم  ایونٹ کے بعد آنے والی ویڈیوز کے سبب مداحوں نے سوشل میڈیا پر  آرادھیا بچن کو  شدید تنقید کا نشانہ بناتے ہوئے ایشوریا رائے کی تربیت پر بھی سوال اٹھا دیے۔

انسٹاگرام  پر وائرل ہونے والی ویڈیو میں دیکھا جاسکتا ہے کہ ایوارڈ شو کی تقریب میں  ساؤتھ انڈین فلم انڈسٹری کے سپر اسٹار ‘چیان وکرم‘ تشریف لاتے ہیں جنہیں اداکارہ  ایشوریا رائے کے برابر  والی سیٹ پر براجمان ہوتے دیکھا جا سکتا ہے۔ 

ایشوریا نے عامر خان کیساتھ کام نہ کرنے کی قسم کیوں کھائی تھی؟

آج تک ایشوریا عامر خان کی کسی بھی فلم میں نظر نہیں آئیں۔

ہوا کچھ یوں کہ چیان کی آمد پر ایشوریا اور انہوں نے ایک دوسرے سے انتہائی گرمجوشی سے سلام دعا کی لیکن آرادھیا ساکت بیٹھیں رہیں،کچھ لمحے  دیکھنے کے بعد چیان خود آگے بڑھ کر آرادھیا کے پاس پہنچے اور ان سے مصافحہ کیا۔

 وکرم کی جانب سے  آرادھیا  کے پاس جاکر انہیں ہائے ہیلو کرنے کے معاملے نے سوشل میڈیا پر تنازع کھڑا کردیا جہاں صارفین نے آرادھیا کے اس عمل کو چیان وکرم کی 'بےعزتی' قرار دیدیا۔

ابھیشیک بچن نے شادی کی انگوٹھی اتار دی؟ نیا مسئلہ شروع

ابھیشیک بچن اور ایشوریا کی لو لائیف پھر توجہ کا مرکز

صارفین نے آرادھیا کے اس عمل کو نامناسب کہتے ہوئے اداکارہ ایشوریا رائے سے بیٹی کو ادب و احترام سکھانے کا مطالبہ کیا، ویڈیو پر اپنی رائے کا اظہار کرتے ہوئے متعدد صارفین نے  آرادھیا کے رویے کو 'انتہائی ناپسندیدہ' قرار دیدیا۔