پاکستانی سینئر اداکارہ صبا فیصل نے اپنی دونوں بہووں کو بیٹی نہ کہنے کی اصل وجہ  سے پردہ ہٹا دیا۔

ڈراما 'دُرِشہوار' ، 'خدا اور محبت' ، 'سرِ راہ' اور 'ذرا یاد کر' جیسے ڈراموں میں بہترین اداکاری کے جوہر دکھانے والی اداکارہ صبا فیصل گزشتہ چند سالوں سے اپنی پیشہ ورانہ زندگی سے زیادہ اپنی گھریلو زندگی کے سبب شہ سرخیوں کا حصہ بن رہی ہیں۔

صبا فیصل کا بڑی بہو نیہا کیلئے خاص پیغام

صبا فیصل نے بہو اور بیٹے پر دعاؤں کی برسات کردی

صبا فیصل گزشتہ سال اپنی بڑی بہو نیہا سے ہونے والی سوشل میڈیا لڑائی کے سبب گھر گھر موضوعِ بحث بنیں رہیں لیکن اب انہوں نے نیہا سے تعلقات استوار کر لیے ہیں۔

صبا فیصل نے حال ہی میں حافظ احمد کی پوڈ کاسٹ میں بطور مہمان شرکت کی جہاں وہ اپنے لاتعداد انٹرویوز اور پوڈ کاسٹ کی طرح بہو، بیٹی اور سسرال کے موضوع پر بات کرتی دکھیں۔

ایک سوال کے جواب میں انہوں نے کہا کہ 'میں نے اب یہ کہنا چھوڑ دیا ہے کہ میری بہوویں میری بیٹیوں جیسی ہیں کیونکہ ایسا نہیں ہے'۔

انہوں نے اپنے موقف کی وضاحت دیتے ہوئے کہا کہ 'میں یہ پہلے کہتی تھی پر اب نہیں کیونکہ بہو اور بیٹی دو مختلف رشتے ہیں، تو آپ بہو کو بہو کی طرح پیار کیوں نہیں کرسکتے؟ میں بہووں کو بہو کی طرح ہی پیار کرتی ہوں اور کرتی رہوں گی'۔

انکا کہنا تھا کہ 'بہو مجھے میرے بیٹوں کے توسط سے ملی ہیں تو مجھے میرے بیٹے تو جان سے زیادہ پیارے ہیں اسی لیے دونوں بہوویں بھی اتنی ہی پیاری ہیں'۔

صبا فیصل نے مزید کہا کہ 'میں اب یہی کہتی ہوں کہ میں اپنی بہوؤں کو بہو جیسا پیار کرتی ہوں'۔