بالی وڈ انڈسٹری میں ہم جنس پرستی اور نیپوٹزم کے باعث شہہ سرخیوں کا حصہ رہنے والے بھارتی فلمساز کرن جوہر نے انکشاف کیا ہے کہ انکے بچوں کو اب تک نہیں معلوم کہ وہ کیا کام کرتے ہیں۔

اس بات سے تو سب ہی واقف ہیں کہ فلمساز کرن جوہر نے کبھی شادی نہیں کی لیکن 2017 میں اچانک دو بچوں کے باپ بننے کا اعلان کیا جو ان کے مداحوں کو حیران کرگیا تھا۔

اور اس بات سے بھی انکار نہیں کہ اگرچہ کرن جوہر نے اپنی فنی صلاحیتوں سے  دنیا بھر میں شہرت حاصل کی ہوئی ہے  لیکن  ان کے بچے یش اور روحی کو اب بھی یہ نہیں معلوم کہ ان کے والد کیا کام کرتے ہیں؟

شاہ رخ خان نے کرن جوہر کو ’روسٹ’ کردیا

بھائی تو فلم کب بنائے گا؟؟؟؟

حال ہی میں کرن جوہر نے ’دی گریٹ انڈین کپل شو’  میں شرکت کی جہاں انہوں نے اپنی زندگی کے حوالے سے بات کرتے ہوئے بتایا کہ وہ اپنے بچوں کو بے تُکی کہانیاں سنایا کرتے تھے۔

کرن جوہر کا کہنا تھا کہ ’میرے بچے نہیں جانتے کہ میں کیا کرتا ہوں جب میں نے انہیں بتایا ہے کہ میں ڈائریکٹر ہوں تو  وہ واپس آکر مجھ سے پوچھتے ہیں کہ کیا ڈائریکٹر عام طور پر کیمرے کے پیچھے ہوتا ہے؟ کیونکہ وہ مجھے ٹی وی پر دیکھتے ہیں۔’

انہوں نے بتایا کہ ایک بار کسی نے میرے بچوں سے پوچھا کہ 'آپ کے والد کیا کرتے ہیں'، تو انہوں نے  محض یہ جواب دیا کہ ‘ہم بہت کنفیوژ ہیں، ہمیں نہیں پتہ کہ وہ کیا کرتے ہیں۔'

علاوہ ازیں اپنی گفتگو میں ولدیت قبول کرنے پر بات کرتے ہوئے کرن جوہر نے اعتراف کیا کہ والد بننے کے بعد ان کی زندگی میں بہت تبدیلی آئی ہے۔

کرن جوہر کے ’سروگیسی’ سے پیدا ہونے والے بچے والدہ کے متلاشی

بچوں نے سوالات کرنا شروع کردیے۔

فلمساز کا کہنا تھا کہ،’اب میں مستقبل کے بارے میں زیادہ سوچنے لگا ہوں۔ میں ہر چیز کو اپنے بچوں کے لیے دیکھتا ہوں تاکہ ان کے مستقبل کے لیے ایک راستہ بنا سکوں۔ ’

کرن جوہر نے انکشاف کیا کہ،’میں دو واٹس ایپ گروپس کا حصہ ہوں جن میں تمام مائیں شامل ہیں جن میں  یش اور روہی الگ الگ گروپس کا حصہ ہیں، اس لیے میں روزانہ 60 ماؤں سے رابطے میں رہتا ہوں۔’

کرن جوہر نے یہ بھی بتایا کہ  وہ اپنے بچوں کو "کتنی بے تکی کہانیاں" سناتے ہیں۔ کرن کے مطابق انکے بچوں کو جانور بہت پسند ہیں، اور وہ شیروں، چیتوں، ہاتھیوں اور پرندوں کی کہانیاں سننا پسند کرتے ہیں یہی وجہ ہے  کہ میں ان کے لیے عجیب و غریب کہانیاں گھڑتا تھا’۔