پاکستانی سپر اسٹار فواد خان کے بھارتی اداکارہ ردھی ڈوگرا کے ساتھ بالی وڈ فلم میں جلودہ گر ہونے کی خبر گردش کرنے لگیں۔

فواد خان نے 2014 میں فلم ’خوبصورت‘ سے بالی وڈ میں ڈیبیو دیا تھا جس میں ان کے ساتھ سونم کپور کو کاسٹ کیا گیا تھا۔

سونم کپور اور فواد خان کی 'خوبصورت' کو 10سال مکمل

فلم 'خوبصورت' کے 10سال مکمل ہونے پر سونم کپور کی اسپیشل پوسٹ وائرل

بعدازاں فواد خان فلم ’کپور اینڈ سنز‘ اور ’اے دل ہے مشکل‘ میں بھی جلوہ گر ہوئے تھے اور ان تین فلموں میں بہترین اداکاری اور لُکس سے بالی وڈ متوالوں کو اپنا دیوانہ بنانے میں کامیاب رہے۔

فواد خان کے بالی وڈ ڈیبیو کو 10 سال جبکہ آخری بالی وڈ فلم کیے 8 سال بیت چکے ہیں اور اس دوران بھارتی مداح فواد خان کی بالی وڈ میں واپسی کے منتظر تھے۔

اب سالوں بعد فواد خان کے بالی وڈ میں واپسی کی خبریں زیرِ گردش ہیں اور مداح خوشی سے جھوم رہے ہیں۔

فواد خان کی بالی وڈ میں واپسی، نئی ہیروئین کون؟

فواد خان کی وانی کپور کے ساتھ کاسٹنگ نے دھوم مچادی

بھارتی میڈیا میں پہلے یہ خبریں وائرل ہوتی نظر آئیں کہ فواد خان کے ساتھ اداکارہ وانی کپور کو ایک ساتھ فلم میں کاسٹ کیا گیا ہے لیکن اب بھارتی میڈیا میں نئی خبریں شہ سرخیوں کا حصہ بن رہی ہیں۔

رپورٹس کے مطابق ویب سیریز 'آسور' میں 'نصرت' کا کردار نبھانے والی اداکارہ ردھی ڈوگرا فواد خان کے ساتھ اداکاری کے جوہر دکھانے کا موقع حاصل کرنے والی ہیں۔

ردھی ڈوگرا نے بھارتی ڈراما 'مریادا: لیکن کب تک؟' اور 'وہ اپنا سا' میں مرکزی کردار نبھائے جبکہ ڈانس شو 'نچ بلیے' کے سیزن 6 اور اسٹنٹ شو 'فیئر فیکٹر: خطروں کے کھلاڑی' کے بھی سیزن 6 میں ہی شرکت کی۔ 

فواد خان کے 10 قابلِ ستائش ڈرامے اور فلمز

پاکستانی شوبز انڈسٹری پر گزشتہ کئی سالوں سے راج کرنے والے اداکار فواد خان نے رواں...

ردھی کے فواد خان کے ساتھ کاسٹ ہونے کی خبر ان کی سالگرہ کے موقع پر سامنے آئی لیکن اس خبر میں کتنی سچائی ہے اس کی تفصیل خود بھارتی میڈیا بھی نہیں دے رہا۔

رپورٹس کے مطابق دونوں ایک رام کام ڈرامہ فلم میں کام کرنے والے ہیں جس کا حال ہی میں پیپر ورک مکمل ہوا ہے اور دونوں اس فلم میں بطور جوڑی نظر آئیں گے۔ 

علاوہ ازیں ابھی تک اس پراجیکٹ کے ہدایتکار کا نام بھی منظرِ عام پر نہیں آیا ہے لیکن اس پراجیکٹ پر کام ابھی شروع نہیں ہوا ہے کیونکہ دونوں ہی اسٹارز اپنے دوسرے پراجیکٹس میں مصروف ہیں جبکہ فلم ریلیز سال 2026 میں ہوگی۔
فلم کی شوٹنگ بھارت میں نہیں بلکہ برطانیہ، امریکہ اور دیگر ممالک میں ہوگی۔