لیجنڈری کرکٹر منصور علی خان پٹودی کی برسی کے موقع پر بیٹی و بھارتی اداکارہ سوہا علی خان نے  جذباتی پوسٹ سوشل میڈیا کی زینت بنادی۔

شردھا، سارہ کے بعد سوہا علی خان بھی ’بلاک بسٹر‘ کے بخار میں مبتلا

سوہا علی خان بھی وائرل ٹرینڈ کا حصہ

فوٹو اینڈ ویڈیو شیئرنگ ایپ انسٹاگرام پر سوہا علی خان نے پوسٹ شیئر کی جس میں انہوں نے اپنے والد منصور علی خان پٹودی کو خراج عقیدت پیش کیا جنہیں کرکٹ کی دنیا میں 'ٹائیگر' کے نام سے بھی جانا جاتا تھا۔

مذکورہ پوسٹ میں اداکارہ سوہا نے والد منصور علی خان پٹودی کی فوٹو فریم شیئر کی جسکے سامنے ایک دیا جل رہا ہے ، ساتھ ہی انہوں نے اپنی جذباتی پیغام میں والد کی یادوں کو تازہ کیا اور ان کی شخصیت کو سراہا۔

خوبصورت اور حسین یادوں پر مشتمل تصویر شیئر کرتے ہوئے سوہا علی خان نے کیپشن میں لکھا کہ،’میں خود کو آپ میں دیکھتی ہوں’۔

سوہا علی خان کی اس خوبصورت پوسٹ کو سوشل میڈیا صارفین سمیت شوبز شخصیات کی جانب سے خوب پسند کیا جارہا ہے۔

منصور علی خان پٹودی کا کیرئیر:

یاد رہے کہ منصور علی خان پٹودی جنہیں پیار سے 'ٹائیگر' کہا جاتا تھا، 2011 میں پھیپھڑوں کے انفیکشن سے لڑتے ہوئے 70 سال کی عمر میں انتقال کر گئے۔

 انہیں اپنے دور میں  بھارتی کرکٹ ٹیم کے بہترین کپتانوں میں سے ایک سمجھا جاتا تھا۔ انہوں نے 1961 سے 1975 کے درمیان بھارت کے لیے 46 ٹیسٹ میچز کھیلے اور ان میں سے 40 میچز کی کپتانی بھی کی۔

سوہا علی خان کے آسٹریلیا میں ڈیرے

ساحل سمندر سے دلکش تصویر شئیر کردی

منصور علی کی ازدواجی زندگی:

ازدواجی زندگی کی بات کریں تو منصور علی خان نے 1966 میں شرمیلا ٹیگور سے شادی کی جس سے ان کے تین بچے  سیف علی خان، صبا علی خان، اور سوہا علی خان ہیں۔

 جہاں سیف اور سوہا نے اپنی والدہ کے پیشے کو اپنایا اور اداکار بنے وہیں صبا ایک جیولری ڈیزائنر ہیں۔