عالمی شہرت یافتہ فٹبالر کرسٹیانو رونالڈو سے منسوب ایک ویڈیو سوشل میڈیا پر وائرل ہے جس میں دعویٰ کیا جا رہا ہے کہ وہ قرآن پاک کی تلاوت کر رہے ہیں۔

وائرل ویڈیو کو فیس بک سمیت دیگر پلیٹ فارمز پر مداحوں کیجانب سے خوب شیئر کیا جارہا ہے، جس کو اب تک لاکھوں لوگ دیکھ چکے ہیں۔

وائرل ویڈیو کے کیپشن میں لکھا گیا ہے کہ قرآن مجید کی تلاوت کرنے والا شخص کوئی اور نہیں بلکہ کرسٹیانو رونالڈو ہے۔

درحقیقت جس شخص کو رونالڈو سمجھا جا رہا ہے وہ دراصل ان کا ہمشکل ہے جس کا نام ’بیور عبداللہ‘ ہے۔

کیا واقعی رونالڈو کو یوٹیوب چینل بنانے کی اجازت نہیں؟

ماضی میں رونالڈو کا ٹک ٹاک اکاؤنٹ بھی بین کیا جاچکا ہے۔

بیور عبداللہ کی قرآن پڑھنے کی یہ ویڈیو اصل میں ٹک ٹاک پر شیئر کی گئی تھی اور رونالڈو سے انکی بہت زیادہ مماثلت کی وجہ سے یہ ویڈیو دیکھتے ہی دیکھتے وائرل ہوگئی۔

بیور عبداللہ، دراصل عراقی نژاد برطانوی ہیں، انکے ٹِک ٹاک اکاؤنٹ پر 1.7 ملین سے زائد فالوورز ہیں، انہیں رونالڈو سے مشابہت کیوجہ سے خوب عالمی شہرت ملی اور وہ اکثر اپنی ویڈیوز شیئر کرتے رہتے ہیں۔

بیور عبداللہ سے متعلق انٹرنیٹ پر دستیاب معلومات کے مطابق وہ 2019 میں عراق چھوڑ کر برطانیہ منتقل ہوگئے تھے اور وہیں ملازمت کرنے لگے۔

اُن کی یہ وائرل ویڈیو دراصل 3 سال پرانی ہے جوکہ آج کل دوبارہ سوشل میڈیا پر وائرل ہے اور کئی صارفین انہیں رونالڈو سمجھ کر ویڈیو خوب شیئر کررہے ہیں۔