بالی وڈ اداکارہ کاجول نے اپنی والدہ تنوجا کی سالگرہ پر جذبات سے بھرپور پوسٹ سوشل میڈیا کی زینت بنادی۔

آج بروز 23 ستمبر تنوجا اپنی81ویں سالگرہ منارہی ہیں اور اس خاص دن کی مناسبت سے جہاں انہیں ڈھیروں مبارکبادیں موصول ہو رہی ہیں وہیں  کاجول کی محبت سے سرشار پوسٹ بھی مرکز نگاہ بن گئی۔

حال ہی میں اداکارہ نے  فوٹو اینڈ ویڈیو شیئرنگ ایپ انسٹاگرام اکاؤنٹ پر پوسٹ شیئر کی جس میں انہوں نے اپنی والدہ کو سالگرہ کا محبت بھرا پیغام دے کر سب کی توجہ حاصل کرلی۔

مذکورہ پوسٹ میں کاجول اور تنیشا مکھرجی کیمرے کے سامنے پوز دے رہی ہیں جبکہ ویل چیئر پر موجود اداکارہ کی والدہ تنوجا بھی بیٹیوں کیساتھ خوشی میں خوش باش دکھائی  دے رہی ہیں۔

ساتھ ہی منسلک دوسری تصویر میں سالگرہ کا خوبصورت کیک شامل تھا جس پر تنوجاکی کیرئیر کے ابتدائی دنوں کی ایک سیاہ و سفید تصویر تھی۔

پوسٹ کے کیپشن میں کاجول نے لکھا کہ،اگر سالگرہ پھول ہوتی تو ہم نے میز کو بھر دیا ہوتا. ہماری ہمیشہ جوان اور  خوبصورت دیوی کو  81ویں سالگرہ یعنی 18ویں سالگرہ مبارک ہو’۔

کاجول کامادھوری ڈکشٹ کے ’آئیکونک’ لُک میں نازو انداز

کاجول نے ہم آپ کے ہیں کون سے مادھوری کے لُک کو اپنالیا

کاجول نےہمیشہ 18' کے ہیش ٹیگز بھی شامل کیے اور  مزید لکھا کہ ،’آپ سے بے حد پیار کرتی ہوں’۔

دوسری جانب کاجول کی پوسٹ پر صارفین اپنے کمنٹس کے ساتھ شامل ہوگئے۔

ایک مداح نے سالگرہ کی پوسٹ پر تبصرہ کیا کہ 'ہر دن پہلے سے زیادہ خوبصورت۔'

 ایک اور انسٹاگرام صارف نے لکھا کہ'آپ کی خوبصورت ماں کو سالگرہ مبارک۔'

یاد رہے کہ 1992 میں فلم ‘بےخودی‘ سے اداکاری کا آغاز کرنے کے بعد سے کاجول نے نہ صرف اپنی پرفارمنس سے فلم بینوں کے دلوں میں گھر کیا بلکہ خود کو ایک اسٹار کے طور پر متعارف کروایا۔

’ورلڈ ایموجی ڈے’ پر کاجول کے مزاحیہ تاثرات توجہ کا مرکز

اداکارہ کاجول کا اموجی کے استعمال سے مخالفت

وہ 1993 کی فلم بازیگر، 1995 میں ریلیز ہونے والی فلم ‘دل والے دلہنیا لے جائیں گے‘ اور 1998 میں ریلیز ہونے والی فلم ’کچھ کچھ ہوتا ہے‘ سے سُپر اسٹار بنیں۔

صرف یہی نہیں بلکہ کاجول کو 2001 کی بلاک بسٹر کبھی خوشی کبھی غم 2010کی یادگار فلم مائی نیم از خان میں اپنی غیر معمولی اداکاری کے لیے چھ فلم فیئر ایوارڈز بھی مل چکے ہیں۔جبکہ ہندوستانی سنیما میں اہم خدمات سرانجام دینے کی وجہ سے بھارتی حکومت نے انہیں 2011 میں پدم شری ایوارڈ سے نوازا۔