پاکستانی سینئر اداکارہ صبا فیصل کی چھوٹی بہو نشا طلعت کو انکے نومولود بیٹے حذیفہ کے ساتھ گھر میں شاندار استقبال توجہ کا مرکز بن گیا۔

ڈراما 'دُرِشہوار' ، 'خدا اور محبت' ، 'سرِ راہ' اور 'ذرا یاد کر' جیسے ڈراموں میں بہترین اداکاری کے جوہر دکھانے والی اداکارہ صبا فیصل کے بڑے بیٹے اور بہو کے ہاں دو بیٹوں کا جشن منا چکی ہیں اور اب انکی چھوٹی بہو نشا کے ہاں بھی بیٹے کی پیدائش ہوئی ہے۔

صبا فیصل کی چھوٹی بہو کے 'بیبی شاور' میں جینڈر رِیویل

نشا طلعت کے ہونے والے بچے کی جنس بھی پتا چل گئی

سمتبر کے آغاز میں نشا طلعت کے لیے بے بی شاور کا اہتمام کیا گیا تھا جس کے بعد اب 23 سمتبر کو صبا فیصل نے اپنے انسٹاگرام اکاؤنٹ پر ایک ریل شیئر کر کے پوتے کی پیدائش کی اطلاع دی، جس میں ان کی نومولود کو دیکھتے ہوئے ایک تصویر اور ننھے مہمان کے ہاتھ کی تصویر بھی نمایاں تھی۔

صبا فیصل نے پوتے کو گود میں اٹھائے نئی تصاویر بطور اسٹوری شیئر کیں جن کے ساتھ کیپشن میں لکھا کہ ’صدقے، واری، قربان، دادو کی زندگی‘۔

اب صبا فیصل نے پوتے کے گھر میں شاندار اسقتبال کی ویڈیو سوشل میڈیا کی زینت بنائی ہے جس میں بہو اور بیٹے کا کمرہ آسمانی غباروں اور دیگر تحائف سے سجا ہوا ہے۔

ویڈیو صبا فیصل نومولود پوتے کو گود میں اٹھا کر کمرے کے اندر داخل ہوتی نظر آئیں اور کمرے کی سجاوٹ کو چمکتی آنکھوں سے دیکھنے لگیں جس کے بعد نشا بھی کمرے کو دیکھ کر بے انتہا خوش ہوئیں۔

صبا فیصل نے ایک اور ویڈیو شیئر کی جس میں نشا کو شادی کے بعد انکے لیے سجائے گئے کمرے میں آتے اور پھر اس کے بعد اب بیٹے کی پیدائش کے بعد اس کی مناسبت سے سجے کمرے میں داخل ہوتے دیکھا جاسکتا ہے۔

تیسرے پوتے کی گھر آمد پر ہونے والی سجاوٹ کی ذمہ داری 'زیل اینڈ زیسٹ ایونٹس' نے سنبھالی اور صبا فیصل کے خاندان میں آنے والے نئے پوتے کے جشن کو رونق بخش دی۔