عالمی شہرت یافتہ گلوکار عاطف اسلم کے ایک کم عمر ڈائے ہارٹ فین نے انکی اہلیہ سارا بھروانہ کو یادگار تصویر بنوانے کیلئے فوٹوگرافر بنا دیا۔

 28 ستمبر کی رات ہم اسٹائل ایوراڈز کا میلا لندن کے ارینا ویمبلے میں سجا جہاں پاکستان کے شوبز ستاروں نے بڑھ چڑھ کر حصہ لیا اور اس رات کو یادگار بنا دیا۔

احد اور رمشا خان کا 'بہترین جوڑی ایوارڈ' سجل کی یاد دلا گیا

احد رضا میر کیساتھ رمشا کو دیکھ کر مداح سجل کو یاد کرنے لگے

ایونٹ میں جہاں مداحوں کی بڑی تعداد اپنے فیورٹ اسٹارز کو اسکرینز کے بجائے حقیقت میں دیکھنے پہنچی تو شوبز ستاروں نے بھی انکو انجوئے کروانے کیلئے پُرجوش پرفارمنس دی جبکہ میزبانی کرنے والے ستارے نے بھی اپنی مزاحیہ اور دلچسپ باتوں سے کسی کو بور نہیں ہونے دیا۔

اس تقریب میں عاطف اسلم بھی پہنچے اور اس شرکت کی دو وجہ تھیں ایک یہ کہ عاطف اسلم نے ایوارڈ شو میں پرفارم کیا اور دوسرا وجہ یہ کہ عاطف اسلم کو ڈراما 'سنگِ ماہ' میں 'ہلمند خان' کا کردار نبھانے پر نومینیشن میں شامل تھے اور ایوارڈ اپنے نام کرنے میں کامیاب بھی رہے۔

اس تقریب میں عاطف اسلم اکیلے نہیں بلکہ اپنی اہلیہ سارا بھروانہ کے ہمراہ پہنچے اور دونوں کی خوبصورت جوڑی شو کی لائم لائٹ چراتی نظر آئی۔

شو سے وائرل ہونے والی ویڈیوز میں جہاں عاطف اسلم اپنی اہلیہ کا ہاتھ تھام کر انہیں ہر جگہ ساتھ ساتھ لیکر چلتے دکھے وہیں مداحوں کی بھیڑ میں بھی سارا کو ایک لمحہ خود سے دور نہ ہونے دیا۔

سوشل میڈیا پر ایک اور ویڈیو زیرِ گردش ہے جس میں ایک کم عمر فین نے عاطف اسلم کے ساتھ تصویر بنوانے کی خواہش کا اظہار کیا اور عاطف نے اجازت دے دی۔

فین عاطف اسلم کے ساتھ تصویر بنانے کا موقع پا کر اس قدر ایکسائیٹڈ ہوگیا کہ سلیفی لیتے لیتے یک دم عاطف کے سامنے کھڑیں ان کی اہلیہ سارا کو ہی اپنا موبائل فون پکڑا دیا اور تصویر بنانے کو کہہ دیا۔

عاطف اسلم کی اپنی اہلیہ کیساتھ دلکش تصاویر وائرل

زیرِ گردش تصاویر میں دونوں سفید جوڑے پہنے ٹوئننگ کرتے نظر آرہے ہیں

فین کی محبت کا لحاظ کرتے ہوئے سارا بھی فوٹوگرافر بننے سے منع نہ کرسکیں اور عاطف کے ساتھ اس کی تصویر کھینچ دی لیکن عاطف کا چہرہ یہ بتا رہا تھا کہ وہ فین کے ا قدام پر اندر ہی اندر حیران رہ گئے ہیں۔

سوشل میڈیا پر اس ویڈیو پر مداح دلچسپ تبصرے کرتے نظر  آرہے ہیں۔ ایک صارف نے لکھا کہ 'زندگی میں اس بچے جتنا ہی کانفیڈنس چاہئے' ،جبکہ ایک صارف نے لکھا کہ ' عاطف نے مسکراہٹ کے پیچھے اپنا غصہ چھپا لیا، بچے بچ گئے ہو تم'۔