واٹس ایپ صارفین کے لیے میٹا اے آئی کے دلچسپ اور حیرت انگیز  فیچرز متعارف کروادیے گئے۔

سوشل میڈیا کمپنی کی جانب سے میٹا کنیکٹ ایونٹ میں واٹس ایپ پر میٹا اے آئی کے نئے فیچرز کی نقاب کشائی کی گئی۔

میٹا نے ہالی وڈ اسٹارز والے 'اے آئی اسسٹنٹس' لانچ کردیے

کمپنی نے اپنے نئے وائس ٹول میں شامل مقبول شخصیات سے اجازت لی ہے۔

واٹس ایپ کے صارفین اب AI چیٹ بوٹ کے ساتھ ریئل ٹائم میں بات چیت کر سکیں گے، اسے ایڈٹ کرنے کے لیے تصاویر بھیجی سکیں گے اور بہتر جوابات حاصل کر سکیں گے۔

مارک زکربرگ کی زیرقیادت کمپنی کا کہنا ہے کہ نئی اپ ڈیٹس لوگوں کے لیے اپنے آئیڈیاز کو دریافت کرنے، اپنی چیٹس کو بہتر بنانے اور نئی چیزوں کو آزمانے میں آسانی پیدا کریں گی۔

میٹا کی جانب سے بہت سے نئے فیچرز جاری کیے گئے ہیں لیکن جس نے سب سے زیادہ توجہ حاصل کی ہے وہ ہے میٹا اے آئی کا وائس موڈ فیچر، جو صارفین کو اے آئی چیٹ بوٹ کے ساتھ ریئل ٹائم بات چیت کرنے کی اجازت دیتا ہے۔

'میٹا اے آئی' کو صارفین کس طرح استعمال کرسکتے ہیں؟

میٹا اے آئی فیس بک انسٹاگرام اور واٹس ایپ کے سرچ بار میں موجود ہے۔

اسی طرح کا فیچر چیٹ جی پی ٹی پر بھی دستیاب ہے۔

میٹا اے آئی کا وائس موڈ کچھ عرصے سے واٹس ایپ کی بیٹا ایپلی کیشن میں دیکھا گیا تھا لیکن اب تک اسے وسیع پیمانے پر صارفین کے لیے جاری نہیں کیا گیا تھا۔

واٹس ایپ پر میٹا اے آئی کے نئے فیچرز پر ایک نظر

1) ٹاک ٹو می : واٹس ایپ صارفین ویوفارم بٹن دبا کر اور اے آئی چیٹ بوٹ سے سوالات پوچھ کر میٹا اے آئی سے بات کر سکیں گے۔

کمپنی نے یہ بھی وعدہ کیا ہے کہ میٹا اے آئی کو جلد ہی مختلف مشہور شخصیات کی آوازوں تک رسائی حاصل ہو گی۔

واٹس ایپ، میسینجر، انسٹاگرام میں اے آئی چیٹ بوٹ متعارف

محدود صارفین کے لیے اے آئی چیٹ بوٹس کا فیچر متعارف کرایا گیا۔

2) لُک ایٹ دِس: واٹس ایپ پر میٹا اے آئی اب امیج ان پٹ لے سکتا ہے، تجزیہ کر سکتا ہے کہ یہ کیا دیکھ رہا ہے اور صارفین کے کسی بھی سوال کا جواب دے سکتا ہے۔

میٹا کی جانب سے شیئر کی گئی مثال میں، میٹا اے آئی کو ایک نئی ڈش کی تصویر بھیجی گئی تھی اور اسے بنانے کے طریقے سے متعلق تفصیلی ہدایات کی درخواست کی گئی تھی۔

3) ایڈٹ مائی فوٹو: مذکورہ بالا دونوں خصوصیات چیٹ جی پی ٹی کے مفت ورژن میں کچھ عرصے سے دستیاب ہیں۔

 تاہم میٹا نے واٹس ایپ صارفین کو نہ صرف میٹا اے آئی کے ساتھ اپنی تصاویر شیئر کرنے کی اجازت دے کر اسے ایک قدم آگے بڑھایا ہے بلکہ صارف چیٹ بوٹ سے بھی تصویر کو ایڈٹ کرنے سے متعلق سوالات کرسکتے ہیں۔