بھارتی کرکٹر ویرات کوہلی نے سابق لیجنڈری بلے باز سچن ٹنڈولکر سے ایک اور اعزاز چھین لیا۔

بابر اعظم نے ویرات کوہلی کا ایک اور ریکارڈ توڑ ڈالا

ڈومیسٹک کیریئر میں بابر کا اہم سنگِ میل

بھارت اور بنگلادیش کے درمیان 2 ٹیسٹ میچز کی سیریز کا آخری میچ کانپور میں جاری ہے جس کے دوران ویرات کوہلی نے انٹرنیشنل کرکٹ میں اہم سنگ میل عبور کرلیا۔

میچ کے دوران ویرات کوہلی نے 47 رنز کی اننگز کھیل کر انٹرنیشنل کرکٹ میں 27 ہزار رنز مکمل کرلیے، وہ یہ کارنامہ کم ترین اننگز میں سر انجام دینے والے بلے باز ہیں۔

ویرات کوہلی نے 594 ویں انٹرنیشنل اننگز میں 27 ہزار رنز مکمل کیے ہیں جبکہ اس سے قبل یہ منفرد ریکارڈ بھارت کے ہی سابق کرکٹر سچن ٹنڈولکر کے پاس تھا جنہوں نے 2007 میں 623 اننگز میں 27 ہزار انٹرنیشنل رنز مکمل کیے تھے۔

انٹرنیشنل کرکٹ میں صرف 4 کھلاڑی ہی 27 ہزار رنز کا سنگ میل عبور کر پائے ہیں جس میں ویرات کوہلی اور سچن ٹنڈولکر کے علاوہ سری لنکا کے کمار سنگارا اور آسٹریلیا کے رکی پونٹنگ بھی شامل ہیں۔

کوہلی کی ODI میں 50 سنچریوں کا ریکارڈ بابر توڑ سکیں گے؟

دنیائے کرکٹ اِس سوال سے گونج رہی ہے

رکی پونٹنگ نے 650 اننگز اور کمار سنگاکارا نے 648 اننگز میں 27 ہزار انٹرنیشنل رنز اسکور کیے تھے۔

واضح رہے کہ ویرات کوہلی کو انٹرنیشنل کرکٹ میں تیزترین 25 ہزار رنز اور 26 ہزار رنز مکمل کرنے والا بلے باز ہونے کا اعزاز بھی حاصل ہے۔ 

انٹرنیشنل کرکٹ میں سب سے زیادہ رنز

1۔ سچن ٹنڈولکر (بھارت) 782 اننگز میں 34,357 رنز

2۔ کمار سنگاکارا (سری لنکا) 666 اننگز میں 28,016 رنز

3۔ رکی پونٹنگ (آسٹریلیا) 668 اننگز میں 27,483 رنز

4۔ ویرات کوہلی (بھارت) 594 اننگز میں 27,009 رنز

5۔ مہیلا جے وردھنے (سری لنکا) 725 اننگز میں 25,957 رنز