ٹیکنالوجی میں جدت، بالخصوص مصنوعی ذہانت (اے آئی) ٹیکنالوجی متعارف ہونے کے بعد سے سوشل میڈیا پر جعلی تصاویر، آڈیوز اور ویڈیوز وائرل ہونے کا سلسلہ تواتر سے سامنا آرہا ہے۔

حال ہی میں سوشل میڈیا پر پاکستان مسلم لیگ (ن) کے ارکان کی جانب سے بانی تحریک انصاف (پی ٹی آئی) عمران خان کی نواز شریف کی تعریفیں کرنے کی ویڈیو شیئر کی گئی۔

عمران خان سیاست سے سبکدوش؟ نوٹیفیکیشن منظرِ عام پر

نو منتخب آزاد امیدوار اپنی مرضی کی سیاسی جماعتوں میں شمولیت اختیار کر لیں۔

اس ویڈیو میں عمران خان اپنے حریف نواز شریف کی تعریفیں کرتے ہوئے انہیں ملک کے لیے اٹھ کھڑے ہونے اور لڑنے کے لیے سراہتے دکھائی دیتے ہیں۔

ویڈیو کو شیئر کرتے ہوئے ایک صارف نے کیپشن لکھا کہ بالآخر انہیں وہ کلپ مل گیا جسے مسلم لیگ ن کی سوشل میڈیا ٹیم نے بھی نہیں اٹھایا۔

مذکورہ ویڈیو کو ایک لاکھ سے زائد بار دیکھا جا چکا ہے جبکہ اس پر 1300 سے زائد ری ایکشنز بھی دیے گئے۔

عمران خان کے جیل میں کمرے کی تصاویر پر کارکنان افسردہ، مخالفین کا طنز

ڈاکٹر شہباز گل نے کہا اللہ دشمن کو بھی ایسی جگہ نہ رکھے۔

اس ویڈیو کو جس اکاؤنٹ کی جانب سے شیئر کیا گیا، اسے وزیر اعلیٰ پنجاب مریم نواز شریف کے آفیشل اکاؤنٹ نے بھی فالو کر رکھا ہے۔

علاوہ ازیں دیگر متعدد سوشل میڈیا صارفین نے بھی بلا سوچے سمجھے اس ویڈیو کو اپنے اکاؤنٹس شیئر کردیا۔

وائرل ویڈیو جعلی ہے

درحقیقت مذکورہ ویڈیو جعلی ہے اور اسے عمران خان کی پرانی ویڈیو سے ایڈٹ کرکے پھیلایا گیا۔

مریم نواز پر جھوٹا الزام، چینل کو برطانیہ میں نشریات بند کرنی پڑ گئیں

پروگرام میں مریم نواز پر توشہ خانہ کے تحائف لینے کے جھوٹے الزامات لگائے گئے تھے۔

اس ویڈیو کو صحیح انداز میں پرکھا جائے تو اس میں متعدد بار بہت واضح Jumps محسوس ہوتے ہیں، عمران خان کی مذکورہ ویڈیو میں آواز کو تبدیل کرکے اس پر ڈبنگ بھی کی گئی ہے۔

اصل ویڈیو میں عمران خان درحقیقت ذوالفقار علی بھٹو کی تعریفیں کر رہے تھے، یہ ویڈیو آج بھی یوٹیوب پر موجود ہے۔

عمران خان کی یہ ویڈیو 15 مارچ 2022 کی ہے، جب انہوں نے اوورسیز پاکستانیوں سے خطاب کرتے ہوئے سابق وزیراعظم ذوالفقار علی بھٹو کی تعریفیں کی تھیں۔

اس خطاب میں ذوالفقار علی بھٹو کی تعریفیں کرتے ہوئے عمران خان نے کہا تھا کہ ان کے ذوالفقار علی بھٹو (کی سیاست) سے متعدد اختلافات ہیں لیکن وہ مانتے ہیں کہ وہ اپنی اور ملک کی عزت و خودمختاری کے خلاف اٹھ کھڑے ہوئے۔