ایران کی جانب سے اسرائیل پر میزائل حملے کے بعد پاکستان انٹرنیشنل ایئرلائنز (پی آئی اے) نے اپنی تمام پروازوں کو ایران کی فضائی حدود استعمال کرنے سے روک دیا۔

ایران کا اسرائیل پر حملہ، 400 بیلسٹک میزائل داغ دیے

تل ابیب اور مقبوضہ بیت المقدس سمیت دیگر علاقوں میں سائرن بجنے لگے

میڈیا رپورٹس کے مطابق ترجمان پی آئی اے نے بتایا ہے کہ اسرائیل پر ایرانی حملے کے بعد ایران کی فضائی حدود استعمال نہ کرنے سے متعلق ازسر نو پلان ترتیب دیے جارہے ہیں۔

ترجمان پی آئی اے کے مطابق جب تک صورتحال واضح نہیں ہوجاتی ایران کی فضائی حدود استعمال نہیں کریں گے۔

انہوں نے کہاکہ پی آئی اے ایران کی فضائی حدود کے 2 کوریڈور استعمال کرتا ہے، ناردرن کوریڈور کینیڈا اور ترکیہ جانے والی پروازیں استعمال کرتی ہیں جبکہ سدرن کوریڈور متحدہ عرب امارات (یواے ای)، بحرین، دوحہ اور سعودی عرب کیلئے استعمال کیا جاتا ہے۔

ایران کا اسرائیل پر حملہ

واضح رہے کہ ایران کی جانب سے اسرائیل پر 400 سے زیادہ میزائل داغے گئے ہیں، جس کے بعد تل ابیب اور مقبوضہ بیت المقدس سمیت کئی علاقوں میں سائرن بج اٹھے۔

اسرائیلی حملے میں سربراہ حزب اللہ کی شہادت کی تصدیق

حزب اللہ کے لبنانی چینل پر حسن نصراللہ کی شہادت کا اعلان کیا گیا

ایران نے بیلسٹک میزائل داغے ہیں، اسرائیلی فوج نے اسرائیل نے تمام شہریوں کو محفوظ مقام پر جانے کا کہہ دیا ہے، بعض میڈیا رپورٹس کے مطابق ایرانی میزائلوں کا ہدف اسرائیلی تل ابیب ہے۔

ایرانی پاسداران انقلاب گارڈ نے اسرائیل پر حملے بعد کہا ہے کہ ہم نے اسمعٰیل ہنیہ اور سربراہ حزب اللہ حسن نصراللہ پر حملے کا بدلہ لیا ہے۔

انہوں نے خبردار کیا کہ اسرائیل نے جوابی کارروائی کی تو اسے دوبارہ نشانہ بنایا جائے گا۔