پاکستانی سپر اسٹار فواد خان کی بھارتی اداکارہ وانی کپور کے ساتھ رومانوی رنگ بکھیرتی تصویر نے انٹرنیٹ پر تہلکہ مچادیا۔

سونم کپور اور فواد خان کی 'خوبصورت' کو 10سال مکمل

فلم 'خوبصورت' کے 10سال مکمل ہونے پر سونم کپور کی اسپیشل پوسٹ وائرل

پاکستان میں ڈراما 'ہمسفر' ، ' زندگی گلزار ہے اور ' داستان' جیسے ڈراموں سے زبردست فین فالوئنگ حاصل کرنے والے فواد خان نے 2014 میں فلم ’خوبصورت‘ سے بالی وڈ میں ڈیبیو دیا تھا جس میں ان کے ساتھ سونم کپور کو کاسٹ کیا گیا تھا۔

بعدازاں فواد خان فلم ’کپور اینڈ سنز‘ اور ’اے دل ہے مشکل‘ میں بھی جلوہ گر ہوئے تھے اور ان تین فلموں میں بہترین اداکاری اور لُکس سے بالی وڈ متوالوں کو اپنا دیوانہ بنانے میں کامیاب رہے۔ 

فواد خان کی بالی وڈ میں واپسی، نئی ہیروئین کون؟

فواد خان کی وانی کپور کے ساتھ کاسٹنگ نے دھوم مچادی

'اے دل ہے مشکل' میں آخری مرتبہ بالی وڈ فلم کا حصہ بننے کے 8 سال بعد اب فواد خان نے پھر سے بھارتی فلم میں دھماکے دار ری انٹری کا فیصلہ لیا ہے اور گزشتہ چند ماہ سے انکی بھارتی اداکارہ وانی کپور کے ساتھ فلم کے چرچے ہورہے ہیں۔

ان چرچوں کے درمیان فواد خان اور وانی کپور کی رومانوی تصویر نے سوشل میڈیا پر جاری ہوتے ہی تہلکہ مچا دیا ہے۔

سب کی توجہ کا مرکز بننے والی اس تصویر میں فواد خان سفید شرٹ پہنے سبز گھاس پر لیٹے ہوئے ہیں جبکہ ان کے کندھے پر وانی کپور آنکھیں بند اور چہرے پر مسکراہٹ سجائے لیٹی ہوئی ہیں۔

تصویر میں فواد خان آسمان کی جانب دیکھ رہے ہیں اور وانی کپور کی زلفوں میں ہاتھ پھیرتے دکھ رہے ہیں۔

بھارتی میڈیا رپورٹس کے مطابق فواد خان رومانٹک کامیڈی فلم میں وانی کپور کے ساتھ بطورجوڑی نظر آئیں گے اور اس فلم کا نام 'عبیر گلال' ہے۔

فواد خان کی ردھی ڈوگرا کیساتھ بالی وڈ فلم کی خبریں سرگرم

بالی وڈ فلم کیلئے فواد خان اور ردھی ڈوگرا یکجا؟

فلم کی شوٹنگ کے لیے بھارت یا پاکستان نہیں بلکہ لندن کا انتخاب کیا گا ہے اور فلم کی پروڈکشن کا کام 29 ستمبر سے شروع ہوچکا ہے۔

فلم کی ہدایتکاری کے فرائض آرتی بگدی نبھائیں گی جس کی کہانی کے حوالے سے انہوں نے انکشاف کیا کہ فلم میں دو لوگ  انجانے میں ایک دوسرے کے زخم پر مرہم رکھنے کا کام کریں گے اور یہی انکے درمیان محبت ہوجانے کی وجہ بنے گا۔

واضح رہے کہ بھارتی میڈیا میں یہ خبر بھی ایک ماہ سے زیرِ گردش ہے کہ فواد خان وانی کپور کے علاوہ اداکارہ ردھی ڈوگرا کے ساتھ بھی کسی پراجیکٹ میں اسکرین شیئر کرتے دکھیں گے۔