جدید ٹیکنالوجی نے جہاں انسان کا ایک جگہ سے دوسری جگہ سفر کرنا آسان بنایا ہے وہیں سفری سہولیات میں بھی دن بدن اضافہ دیکھنے کو ملتا ہے۔

آج ایک براعظم سے دوسرے براعظم کو منسلک کرنے بلکہ ایک ملک سے دوسرے ملک جانے کے لیے بھی عام طور پر فضائی سفر کو ترجیح دی جاتی ہے۔

دورانِ پرواز اسکرینز پر فحش فلم چل گئی، مسافر پریشان

اسکرینز پر فلم کو تبدیل کرنے کا بھی کوئی آپشن موجود نہیں تھا۔

 لیکن جہاں فضائی سفر طویل فاصلے کو مختصر کردیتا ہے وہیں اکثر پروازیں کئی گھنٹوں پر محیط ہونے کی وجہ سے ذہنی کوفت کا سبب بھی بنتی ہیں۔

البتہ یہاں ہم دنیا کے مختصر ترین کمرشل فلائٹ کا ذکر کررہے ہیں جس میں صرف 2.7 کلومیٹر کا فاصلہ طے کیا جاتا ہے ، وہ بھی  صرف 1 سے 2 منٹ کے قلیل وقت میں۔

 جی ہاں اسکاٹ لینڈ کے جزائر ویسٹرے اور پاپا ویسٹرے کے درمیان اڑنے والی پرواز مختصر ترین کمرشل پرواز کا عالمی ریکارڈ رکھتی ہے ۔ 

اس پرواز کے دوران ہوائی جہاز عام طور پر صرف 2 منٹ کے لیے فضا میں بلند ہوتا ہے، اس کمرشل فلائٹ کا نام بھی عالمی ریکارڈ میں درج ہے جو تقریباً شروع ہوتے ہی ختم ہو جاتی ہے۔

دورانِ پرواز پائلٹ کی موت، جہاز کی ہنگامی لینڈنگ

ترکش ایئر لائن کی پرواز کے دوران پائلٹ انتقال کر گیا۔

 ہم میں سے زیادہ تر لوگ 1.7 میل یعنی 2.7 کلومیٹر کے فاصلے جیسے مختصر سفر کے لیے بذریعہ کار، بس یا پیدل سفر  کو ترجیح دیتے ہیں لیکن شمالی اسکاٹ لینڈ کے جزائر میں رہنے والوں کے لیے یہ فاصلہ ہوائی جہاز کے ذریعے طے کیا جاتا ہے۔

فضائی کمپنی لوگان ایئر مسافروں کی اس فضائی نقل و حمل کے لیے ایک چھوٹا طیارہ استعمال کرتی ہے جس میں صرف 8 نشستیں ہیں اور  ایک پائلٹ ہو تا ہے ۔

اورکنی جزائر اور ویسٹرے کے درمیان اس پرواز میں عام طور پر 90 سیکنڈ لگتے ہیں لیکن اگر موسم سازگار نہ ہو تو اس میں 2 یا 3 منٹ لگ سکتے ہیں۔

مسافر خاتون قیمتی بیگ ساتھ رکھنے پر بضد، پرواز تاخیر کا شکار

خاتون کو زبردستی جہاز سے اُتار دیا گیا

یہ فاصلہ اورکنی جزائر سے فیری کے ذریعہ بھی طے کیا جاسکتا ہے ، لیکن جب پانی کی سطح بڑھ جاتی ہے تو یہ ممکن نہیں ہوتا ہے۔

 ایسے میں لوگ اس مختصر فاصلے کے لیے ہوائی جہاز کا استعمال کرتے ہیں، یہ پرواز پہلی بار 1967 میں شروع ہوئی تھی اور اس وقت سے اسی طرح جاری ہے۔ 

اس کے لیے اسکاٹ لینڈ کی حکومت نے سبسڈی والے ٹکٹ بھی متعارف کروا رکھے ہیں جن کی قیمت تقریبا 2 ہزار سے 4 ہزار 700 روپے ہے۔