کئی دہائیوں پر محیط کیرئیر کے دوران سینما کو اپنی جاندار پرفارمنس سے رونق بخشنے والے لیجنڈ اداکار امیتابھ بچن نے پہلی بار سب سے بڑے پچھتاوے کا ذکر کردیا۔

اداکار و میزبان امیتابھ بچن نے اپنی شاندار فلمی کیریئر پر نظر ڈالتے ہوئے اس بات پر افسوس کا اظہار کیا کہ انہیں کبھی بھی موقع نہیں ملا کہ وہ ایک مشہور اور لیجنڈری اداکارہ کے ساتھ کام کر سکیں۔

 امیتابھ بچن جنہیں بھارتی سینما کے عظیم اداکاروں میں شمار کیا جاتا ہے انہوں نے کہا کہ ان کے کیریئر میں یہ ایک کمی ہے جس کا انہیں ہمیشہ افسوس رہے گا کہ وہ اس نامور اداکارہ کے ساتھ اسکرین پر کام نہیں کر پائے۔

بگ بی کی سالگرہ پر ایشوریا رائے کی پوسٹ وائرل

ابھیشیک بچن کیساتھ طلاق کی افواہیں دم توڑ نےلگیں

یہ بیان ان کی زندگی اور کام سے جڑی ایک اہم اور جذباتی یاد کا حصہ تھا، جس میں انہوں نے اپنی فلمی سفر کے دوران مختلف یادگار کردار ادا کرنے کے تجربات اور کامیابیوں کا ذکر کیا، لیکن اس ایک خواب کو پورا نہ کر سکنے کا افسوس بھی شامل تھا۔

انہوں نے اداکارہ کے نام سے پردہ اٹھاتے ہوئے انکشاف کیا کہ انہیں  لیجنڈری اداکارہ مینا کماری کے ساتھ کام کرنے کا موقع نہیں ملا جسکا آج تک انہیں افسوس ہے۔

ساتھ ہی امیتابھ بچن نےفلم صاحِب بی بی اور غلام (1962) پر گفتگو کرتے ہوئے مینا کماری کی لاجواب اداکاری کی تعریف  کی۔

امیتابھ بچن نے بتایا کہ ’صاحِب بی بی اور غلام’ میں ایک گانا ہے 'نا جاؤ سیاں'، جس میں مینا کماری نے ایسی مہارت سے پرفارم کیا کہ میں انہیں مسلسل دیکھتا رہا۔ وہ خاموشی سے ایک جگہ بیٹھ کر گانا گاتیں اور ان کی چمک سے اس سین میں جادو سا پیدا ہو جاتا تھا۔‘

امیتابھ اور جیا کی 51ویں شادی کی سالگرہ، نواسی کی پوسٹ وائرل

مداحوں کی جانب سے جوڑے کیلئے مبارکباد پر مبنی پیغامات جاری

امیتابھ بچن نے یہ بھی بتایا کہ اُس زمانے میں لمبے شاٹس لئے جاتے تھے جو آج کل کے مختصر شاٹس سے بالکل مختلف ہوتے تھے۔

ساتھ ہی امیتابھ بچن نے خاص طور پر ’پیا سا’ فلم کے ایک کلوز اپ شاٹ کا ذکر کیا جس میں وحیدہ رحمان کی اداکاری نے انہیں بہت متاثر کیا تھا۔

اس حوالے سے بات کرتے ہوئے بگ بی نے  بتایا کہ ’وحیدہ رحمان’  ان کی سب سے پسندیدہ اداکارہ ہیں’۔