صدر مملکت آصف علی زرداری اور سابق وزیراعظم بینظیر بھٹو کی صاحبزادی بختاور بھٹو زرداری نے اپنے نومولود بیٹے کا نام بھی بتادیا۔

بختاور بھٹو زرداری نے گزشتہ روز اپنے ہاں ننھے مہمان کی آمد کی خوشخبری اپنے چاہنے والوں کو سنائی تھی۔

بختاور کے بیٹے کی پیدائش پر آصفہ کے دلی جذبات کیا؟

آصفہ بھٹو کے دل میں بھانجوں کیلئے بے انتہا محبت

اب ایک سوشل میڈیا پیغام میں انہوں نے نومولود کے نام سے بھی آگاہ کردیا، انہوں نے نومولود کا نام ’میر ذوالفقار محمود چوہدری‘ رکھا  ہے۔

اپنے پیغام میں انہوں نے بچے کی پیدائش کی تاریخ بھی لکھی جو 20 اکتوبر 2024 ہے۔

ساتھ ہی انہوں نے یہ بھی  کہا کہ ’"اللہ کے نام سے، جو سب سے زیادہ رحم کرنے والا، سب سے زیادہ مہربان ہے۔ یہ نام نومولود کے لیے باعثِ برکت ہو اور اسے اچھی صحت اور خوشحالی عطا کرے۔‘

بختاور بھٹو نے اپنے دعائیہ پیغام میں یہ بھی کہا کہ ‘ اے اللہ، اسے شفقت اور محبت والا بچہ بنا۔ اسے ہمارے پیارے نبی محمد صلی اللہ علیہ وسلم کے راستے پر چلا اور اس کی حکمت اور بھلائی کی روشنی کو اس دنیا میں پھیلادے۔‘

بختاور بھٹو نے نام کے اعلان کے ساتھ ایک تصویر بھی جاری کی جو ایک ایک پورٹریٹ ہے، پورٹریٹ میں ایک بچے کو شمشیر تھامے گھوڑے پر سوار دیکھا جاسکتا ہے، بچے کے عقب میں ’میر ذوالفقار‘ تحریر ہے۔

بختاور بھٹو کے گھر تیسرے بیٹے کی پیدائش

بختاور بھٹو اور محمود چوہدری پھر سے والدین بن گئے

یہاں یہ بات قابلِ ذکر ہے کہ بختاور بھٹو زرداری کے نانا اور بے نظیر کے والد کا نام بھی ’ذوالفقار‘ ہی تھا جنہوں نے وزیراعظم، وزیرداخلہ، وزیر خارجہ و دیگر اہم مناصب سنبھالے۔ یہی نہیں بلکہ انہیں قائدِعوام‎ یعنی عوام کا رہبر اور بابائے آئینِ پاکستان بھی کہا جاتا ہے۔ 

خیال رہے کہ بختاور بھٹو زرداری 27 نومبر 2020 کو دبئی کے بزنس مین محمود چوہدری سے شادی کی بندھن میں بندھ گئی تھیں ، 10 اکتوبر 2021 کو اپنے پہلے بیٹے میر حاکم محمود چوہدری کا استقبال کیا۔

اننت امبانی اور آصف زرداری کے داماد ہمشکل قرار

بچھڑے ہوئے بھائی کہا جانے لگا

بختاور بھٹو اور محمود کے ہاں 5 اکتوبر 2022 کو دوسرے بیٹے کی ولادت ہوئی جس کا نام میر سجاول محمود چوہدری رکھا گیا۔

دو بیٹوں کی پیدائش کے بعد بختاور بھٹو نے گزشتہ روز انسٹاگرام پر ایک پوسٹ شیئر کرتے ہوئے اپنی زندگی میں آنے والے تیسرے بیٹے کی خوشخبری سنائی تھی۔