صدر آصف علی زرداری اور سابق وزیر اعظم بے نظیر بھٹو کی بڑی صاحبزادی بختاور بھٹو زرداری نے اپنے گھر تیسرے بیٹے کی پیدائش کی خوشخبری دے دی۔

بختاور بھٹو زرداری 27 نومبر 2020 کو دبئی کے بزنس مین محمود چوہدری سے شادی کی بندھن میں بندھ گئی تھیں ،  10 اکتوبر 2021 کو اپنے پہلے بیٹے میر حاکم محمود چوہدری کا استقبال کیا۔

’سن شائن‘، بختاور بھٹو نے بیٹے کے ساتھ ویڈیو جاری کردی

سابق صدر آصف علی زرداری کی صاحبزادی اور وزیرخارجہ بلاول بھٹو زرداری کی بہن بختاور...

بختاور بھٹو اور محمود کے ہاں 5 اکتوبر 2022 کو دوسرے بیٹے کی ولادت ہوئی جس کا نام میر سجاول محمود چوہدری رکھا گیا۔

دو بیٹوں کی پیدائش کے بعد اب بختاور بھٹو نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر  کرتے ہوئے اپنی زندگی میں آنے والی اس نئی خوشی کا اعلان کیا۔

پوسٹ میں لکھا ہے کہ ’بسم اللہ الرحمٰن الرحیم، الحمد للہ رب العلمین، ہم یہ خبر بے انتہا خوش کے ساتھ دے رہے ہیں کہ ہمارے ہاں تیسرے بیٹے کی پیدائش ہوئی ہے‘۔

مذکورہ پوسٹ میں بختاور بھٹور اور انکے شوہر محمود چوہدری کے تیسرے بیٹے کی پیدائش کی تاریخ 20 اکتوبر 2024 درج ہے جو اس بات کی تصدیق ہے کہ جوڑے کو یہ خوشی گزشتہ روز ملی۔

اننت امبانی اور آصف زرداری کے داماد ہمشکل قرار

بچھڑے ہوئے بھائی کہا جانے لگا

پوسٹ کے کمنٹ سیکشن میں بختاور بھٹو زرداری کے مداح اور خیرخواہ ننھے مہمان کی آمد کی مبارکباد دیتے اور نیک تمناؤں کا اظہار کرتے نظر آرہے ہیں۔

کمنٹ سیکشن میں پاکستان پیپلز پارٹی کی رہنما اور ایم این اے شرمیلا فاروقی نے بھی خوشی کا اظہار کرتے ہوئے لکھا کہ ’ماشاء اللہ، مبارک ہو‘، جبکہ دبئی کی شہزادی شيخہ بنت محمد بن راشد آل مكتوم نے بھی بختاور بھٹو کو  تیسری مرتبہ ماں بننے پر مبارکباد دی۔