انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کر دی۔

مسلسل ناقص فارم اور انگلینڈ کیخلاف ٹیسٹ اسکواڈ سے باہر ہونیوالے سابق کپتان بابراعظم مزید 4 درجہ تنزلی کے بعد 19ویں نمبر پر آگئے ہیں۔

ٹیسٹ میں مسلسل ناقص کارکردگی بابر اعظم کو لے ڈوبی

آئی سی سی کی ٹیسٹ رینکنگ میں بابر کہاں جا پہنچے؟

محمد رضوان 2 درجہ تنزلی کے بعد 21ویں جبکہ سعود شکیل 7 درجہ تنزلی کے ساتھ 27ویں نمبر پر چلے گئے۔

دوسری جانب انگلینڈ کے خلاف مسلسل تین اننگز میں نصف سینچری بنانے والے آغا سلمان کیرئیر کی ٹاپ رینکنگ حاصل کرنے میں کامیاب ہوگئے وہ 8 درجہ ترقی پاکر 14ویں نمبر پر آگئے۔

یاد رہے کہ پاکستان کرکٹ کے مایہ ناز بلے باز ابر اعظم ٹیسٹ فارمیٹ میں مسلسل ناقص کارکردگی کے باعث ٹیسٹ رینکنگ میں 5 سال بعد گزشتہ ماہ ٹاپ 10 سے باہر ہوگئے تھے۔

ٹاپ 10 بلے باز کون؟

تازہ ترین رینکنگ کے مطابق ٹیسٹ فارمیٹ میں انگلش بیٹر جو روٹ نے پہلی پوزیشن مزید مستحکم کرلی، وہ 917 پوائنٹس کیساتھ ٹاپ پر موجود ہیں۔

نیوزی لینڈ کے کین ولیمسن دوسرے، ہیری بروک ایک درجہ تنزلی کے بعد تیسرے، بھارتی بلے باز یشسوی جیسوال چوتھی پوزیشن پر براجمان ہیں۔

نئی ٹیسٹ رینکنگ جاری، بابر اور شاہین کِس نمبر پر؟

ویرات کوہلی ایک درجہ تنزلی کے بعد نیچے آگئے۔

آسٹریلوی بیٹر اسٹیو اسمتھ پانچویں اور بھارتی بلے باز رشبھ پنت تین درجے ترقی پاتے ہوئے چھٹے نمبر پر آگئے ہیں۔

آسٹریلوی بیٹر عثمان خواجہ ایک درجہ تنزلی کے باعث ساتویں جبکہ ویرات کوہلی بھی ایک درجہ تنزلی کے باعث آٹھویں نمبر پر آگئے ہیں۔

سری لنکا کے کمیندو مینڈس ایک درجے ترقی کے بعد 10 ویں جبکہ انگلینڈ کے بین ڈکٹ 3 درجے ترقی کے بعد 11 ویں نمبر پر آگئے ہیں۔