ساوتھ فلم انڈسٹری میں اپنی کامیابی کا لوہا منوانے والے فلم اسٹارتھلا پتی وجے نے فلموں کو خیر باد کہہ کر سیاست کی نگری میں قدم رکھ دیا

یہ قدم انہوں نے تب اٹھایا جب وہ جنوب کی فلم انڈسٹری میں سب سے زیادہ معاوضہ لینے والے اداکاروں میں شمار ہوتے ہیں۔

سابق بھارتی ریسلر ونیش پھوگاٹ ڈیبیو الیکشن میں کامیاب

سابقہ ریسلر نے کانگریس کے ٹکٹ پر کامیابی حاصل کی۔

وجے نے فلم انڈسٹری سے مکمل کنارہ کشی کا اعلان ایسے وقت کیا ہے جب بتایا جا رہا تھا کہ ان کی آنے والی فلم تھلاپتی 69 ان کی آخری فلم ہوگی جس کے لیے انہوں نے 275 کروڑ بھارتی روپے معاوضہ لیا ہے۔

اس سے قبل ان کی آخری ریلیز ہونے والی فلم 'GOAT' بھی سپر ہٹ رہی تھی۔

وجے نے رواں سال کے آغاز میں سیاست میں آنے اور اپنی سیاسی جماعت 'ٹی وی کے' بنانے کا اعلان کیا تھا تاہم اس حوالے سے مختلف افواہیں تھیں کہ آیا وہ فلم انڈسٹری میں کام کرتے رہیں گے یا صرف سیاست پر ہی توجہ مرکوز رکھیں گے۔

تھلاپتی وجے نے اپنے کیرئیر کی آخری فلم سائن کرلی

اداکار اب سیاست میں قدم رکھنے کو پوری طرح تیار ہیں

وجے نے اب اس حوالے سے خود ہی وضاحت کردی ہے۔ گزشتہ روز تامل ناڈو میں اپنی سیاسی جماعت کے تحت منعقدہ پہلی باقاعدہ تقریب سے خطاب میں وجے کا کہنا تھا کہ وہ فلم انڈسٹری چھوڑ رہے ہیں تاکہ سیاست پر توجہ دے سکیں۔

جنوبی بھارت کے سپر اسٹار کا کہنا تھا کہ اپنے کریئر کے عروج پر میں نے انڈسٹری کو چھوڑ دیا ہے، اپنی تنخواہ چھوڑ دی ہے اور یہاں آپ کے وجے کے طور پر موجود ہوں۔

وجے کا کہنا تھا کہ وہ پہلے سے کیےگئے وعدے پورے کرتے ہوئے پراجیکٹ مکمل کریں گے۔

تھلاپتی وجے کی سیاسی میدان میں انٹری

ساؤتھ انڈین فلموں کے بہترین اداکار تھلاپتی وجے نے سیاست کے میدان میں قدم رکھنے...

اس موقع پر وجے نے بتایا کہ 'فلمی انڈسٹری میں کریئر کے آغاز میں مجھے کہا گیا کہ میرا چہرہ اچھا نہیں ہے، میں بڑی شخصیت نہیں ہوں، میرا انداز اچھا نہیں ہے، یہاں تک کہا گیا کہ میرے بال اور میرا چلنےکا انداز بھی اچھا نہیں'۔

 'لیکن میں نے ان تنقیدوں کو اپنا حوصلہ توڑنے کی اجازت نہیں دی، انڈسٹری میں اپنی جگہ بنانے کے لیے سخت محنت کی اور سب کو غلط ثابت کرنے کی کوشش کی'۔

رپورٹ کے مطابق اپنی تقریر میں وجے نے تامل ناڈو کی سیاست پر بات کرتے ہوئے روایتی سیاستدانوں اور پارٹیوں کو بھی تنقید کا نشانہ بنایا اور کہا کہ ان کی پارٹی کے دروازے ہر ایک کے لیے کھلے ہیں۔