بھارت میں اِن دنوں کانسرٹس کا موسم چل رہا ہے جہاں بھرپور تفریح کے ساتھ ساتھ انوکھے واقعات بھی توجہ کا مرکز بن رہے ہیں۔

ایسا ہی ایک واقعہ حال ہی میں بھارت کے معروف گلوکار سونو نگم کے کانسرٹ کے دوران پیش آیا جب نشے میں دھت ایک تماشائی اسٹیج پر چڑھ کر گلوکار پر کود پڑا۔

دلجیت دوسانجھ نے کانسرٹ کے دوران پاکستانی پرچم دیکھ کر کیا کِیا؟

گلوبل سپر اسٹار کی مانچسٹر ٹوور سے جاری ہونے والی ویڈیو وائرل

واقعے کی ویڈیو سوشل میڈیا پر خوب وائرل ہورہی ہے جس میں دیکھا جاسکتا ہے کہ نشے میں دھت شخص اچانک اسٹیج پر چڑھا اور لُڑھکتے ہوئے سونو نگم کیجانب بڑھا۔

تاہم سونو نگم بروقت چوکنا ہوچکے تھے اور انہوں نے فوراً ایک طرف ہوکر خود کو اُس شخص سے ٹکرانے سے بچا لیا جسے بعدازاں سیکیورٹی گارڈز نے دبوچ لیا اور تھپڑوں کی برسات کرتے ہوئے اسٹیج سے اتار دیا۔

دورانِ کانسرٹ خاتون کی فرحان سعید سے مائیک چھیننے کی کوشش

خاتون نے اسٹیج پر چڑھ کر کانسرٹ رکوادیا۔

دلچسپ بات یہ ہے کہ اس 'اچانک حملے' کے باوجود سونو نگم نے ایک لمحے کیلئے بھی گانا نہیں روکا اور کہیں بھی اُن کے سُر ہلتے ہوئے محسوس نہیں ہوئے، اِس تمام صورتحال کے دوران سونو نگم نے مسلسل گانا گانا جاری رکھا۔

وائرل ویڈیو پر سوشل میڈیا صارفین نے کمنٹ کرتے ہوئے گلوکار کی کمال مہارت پر انہیں خوب سراہا اور انہیں 'حقیقی لیجنڈ' قرار دیا۔

ایک صارف نے کمنٹ کیا کہ 'سُر یہاں بھی نہیں بگڑا گُرو جی کا'، ایک اور صارف نے تبصرہ کیا 'یہ واقعی حیرت انگیز ہے! سونو نگم کیسے اس شخص سے بچ نکل کر بھاگے لیکن گانا مسلسل جاری رکھا؟ وہ واقعی ایک لیجنڈ ہیں!'