قومی ٹیسٹ ٹیم کے نائب کپتان سعود شکیل اور اسپنر نعمان علی نے اچھی کارکردگی کا مظاہرہ کرتے ہوئے انٹرنیشنل کرکٹ کونسل (آئی سی سی) کی نئی پلیئر رینکنگ میں  ٹاپ 10 میں جگہ بنالی۔

سعود شکیل 20 درجے ترقی کر کے 7ویں نمبر پر آ گئے ہیں جبکہ نعمان علی 9ویں نمبر پر آ گئے ہیں۔

پنڈی ٹیسٹ میں پاکستان فاتح، سیریز اپنے نام کرلی

سیریز دو ایک سے پاکستان کے نام

سعود شکیل نے حال ہی میں انگلینڈ کے خلاف تین ٹیسٹ میچوں کی ہوم سیریز میں 280 رنز بنائے جس میں پانچ اننگز میں ایک سنچری اور ایک نصف سنچری شامل تھی۔

اس کارکردگی کی بدولت انہیں سیریز کے بہترین کھلاڑی کا اعزاز بھی ملا۔

پاکستانی اسپنر نعمان علی نے حالیہ سیریز کے تیسرے اور آخری ٹیسٹ میں شاندار کارکردگی کے بعد ٹاپ ٹین میں بھی جگہ بنا لی ہے۔ 

دوسری جانب اسپنر نعمان علی نے میچ میں 9 وکٹیں حاصل کیں اور آٹھ درجے ترقی کر کے کیریئر کی بہترین نویں پوزیشن پر پہنچ گئے جبکہ ساتھی اسپنر ساجد خان نے بھی اپنے کیرئیر کی ریٹنگ میں 12 درجے بہتری کی۔

علاوہ ازیں جسپریت بمراہ کا بطور نمبر ون ٹیسٹ باؤلر راج ختم ہو گیا ہے، جنوبی افریقہ کے کگیسو ربادا آئی سی سی کی تازہ ترین ٹیسٹ پلیئر رینکنگ میں نمبر ون بولر بن گئے ہیں۔

کگیسو ربادا نے بنگلہ دیش کے خلاف پہلے ٹیسٹ میں نو وکٹیں حاصل کی تھیں۔ 

ٹیسٹ بولرز کی رینکنگ میں آسٹریلیا جوش ہیزل ووڈ اب دوسرے، بھارت کے بمراہ تیسرے اور اشون چوتھے نمبر پر ہیں۔

بابر اور رضوان کیICC ٹیسٹ رینکنگ میں مزید تنزلی

سابق کپتان مزید 4 درجہ تنزلی کے بعد 19ویں نمبر پر آگئے

آئی سی سی بیسٹ ٹیسٹ بیٹرز کی رینکنگ میں انگلینڈ کے جو روٹ پہلے اور نیوزی لینڈ کے کین ولیمسن دوسرے نمبر پر ہیں۔ 

بھارت کے نوجوان یاشاسوی جیسوال ایک مقام اوپر پہنچ کر تیسرے نمبر پر آگئے ہیں، جب کہ ویرات کوہلی چھ مقام گر کر 14ویں نمبر پر آگئے ہیں۔

اس کے ساتھ ساتھ نیوزی لینڈ کے راچن رویندرا بھی ٹاپ ٹین میں شامل ہو گئے ہیں، وہ آٹھ درجے آگے بڑھ کر 10ویں نمبر پر ہیں۔