پاکستان

جہاز سے اترتے ہوئے صدر آصف زرداری کا پاؤں فریکچر

ڈاکٹروں نے انہیں مکمل آرام کا مشورہ دیا۔

Web Desk

2 years ago

جہاز سے اترتے ہوئے صدر آصف زرداری کا پاؤں فریکچر

ڈاکٹروں نے انہیں مکمل آرام کا مشورہ دیا۔

صدر گزشتہ رات دبئی پہنچے تھے۔

صدر پاکستان آصف علی زرداری دبئی ایئرپورٹ پر جہاز سے اترتے ہوئے حادثے کا شکار ہوگئے۔

ایوانِ صدر سے جاری بیان کے مطابق صدر آصف زرداری گزشتہ رات ہی 2 روزہ نجی دورے پر اسلام آباد سے دبئی روانہ ہوئے تھے جہاں پہنچنے کے بعد جہاز سے اترتے ہوئے صدر آصف زرداری کے پاؤں میں فریکچر ہوگیا۔

صدر زرداری کو فوری طور پرابتدائی طبی امداد کے لیے اسپتال منتقل کیا گیا جہاں ڈاکٹرز نے معائنے کے بعد ان کے پاؤں پر 4ہفتوں کے لیے پلاسٹر کردیا۔

ایوان صدر کے مطابق صدر آصف علی زرداری گھر منتقل ہو گئے ہیں اور ڈاکٹروں نے انہیں مکمل آرام کا مشورہ دیا ہے۔

ان کی غیرموجودگی میں چیئرمین سینیٹ یوسف رضا گیلانی نے قائم مقام صدر کی ذمے داریاں سنبھال لی تھیں۔

واضح رہے کہ صدر مملکت آصف زرداری کا 4 سے 7 نومبر تک چین کا دورہ طے تھا۔

دورے کے دوران صدر زرداری کی چینی صدر شی جن پنگ سے ملاقات بھی ہونی تھی اور صدر زرداری کو 5 نومبر کو شنگھائی عالمی نمائش میں بھی شرکت کرنی تھی۔

یاد رہے کہ دبئی میں مقیم صدر آصف زرداری کی بڑی صاحبزادی بختاور بھٹو زرداری کے ہاں گزشتہ ہفتے ہی تیسرے بیٹے کی ولادت ہوئی تھی۔