پاکستانی سینئر اداکار نعمان اعجاز اور دلکش اداکارہ صبا قمر کے درمیان عکسبند ہونے والے نازیبا سین پر شدید تنقید ہونے لگی۔

نعمان اعجاز اور صبا قمر دونوں ہی کا شمار پاکستان کے ایسے ورسٹائل فنکاروں کی فہرست میں ہوتا ہے جنہوں نے ڈراموں میں اپنی زبردست اداکاری سے شہرت حاصل کی۔

صبا قمر کی اپنے نئے گھر کی صفائی کرتے تصاویر وائرل

ریڈ کارپٹ سے ڈسٹ بنیز تک، شہرت سے فرش کی صفائی تک، صبا قمر

صبا قمر کے مشہور ڈراموں میں 'چیخ' ، 'میں چاند سی' ، ' فراڈ' ، 'سرِ راہ' 'متاعِ جان ہے تو' اور 'پانی جیسا پیار ہے' شامل ہیں جبکہ نعمان اعجاز کے سپر ہٹ ڈراموں کی فہرست بھی کوئی چھوٹی نہیں جن میں 'سنگِ مرمر' ، سنگِ ماہ' ، 'ڈر سی جاتی ہے صلہ' ، 'او رنگریزا' ، 'دشت' ، 'نورپور کی رانی' و دیگر شامل ہیں تاہم ان دنوں وہ 'دنیاپور' اور 'بسمل' میں بہترین اداکاری کے جوہر دکھاتے نظر آرہے ہیں۔

دونوں سپر اسٹارز نے ایک ساتھ بھی چند ڈرامے کیے ہیں جن میں 'الّو برائے فروخت نہیں' ، 'جو چلے تو جان سے گزر گئے' ، 'میں ستارہ' اور مسز اینڈ مسٹر شمیم' شامل ہیں۔

نعمان اعجاز کیساتھ کام کر کے فریال محمود خوفزدہ کیوں؟

فریال محمود کا نعمان اعجاز کیساتھ کام کرنے کا تجربہ کیسا رہا؟

سوشل میڈیا پر دونوں کی ایک بولڈ ویڈیو زیرِ گردش ہے جو انکی ویب سیریز 'مسز اینڈ مسٹر شمیم' کی ہے۔

یہ ویب سیریز 'زی فائیو' نے پروڈیوس کی جسکی کہانی ایک ایسے جوڑے کے گرد گھومتی نظر آئی جس کو ایڈز ہے۔

وائرل ہونے والی اس ویڈیو پر سوشل میڈیا صارفین مختلف تبصرے کرتے دکھ رہے ہیں اور دونوں کو تنقید کا نشانہ بنا رہے ہیں۔

ایک صارف نے لکھا کہ 'یہ باوضو ہوتے ہیں اس کام کے لیے، حد ہے نعمان بھائی' جبکہ ایک اور صارف نے لکھا کہ ' حد ہوگئی بے حیائی کی، لگا کسی نیٹ فلکس کی سیریز کا سین ہے'۔