اگر آپ کو بھی ’اے دل ہے مشکل‘ کی جذباتی کہانی پسند آئی ہے تو ہمارے پاس آپ کے لیے ایک خاص فہرست ہے۔ یہ 7 فلمیں محبت، جدائی، اور دل کی گہرائیوں کو چھونے والی کہانیاں پیش کرتی ہیں، جو آپ کے دل کو بھی پگھلا دیں گی۔

1. لیلا مجنوں:

پہلی فلم ہے ’لیلا مجنوں‘ جو کلاسک لو اسٹوری پر مبنی ہے اور عشق کی شدت اور جنون کی کہانی کو دکھاتی ہے۔ فلم 7 ستمبر 2018 کو ریلیز ہوئی جس میں 'لیلا' کا کردار نیشنل کرش کا ٹائٹل اپنے نام کرنے والی 'ترپتی دمری' نے ادا کیا جبکہ مجنوں یعنی 'قیس بھٹ' کا کردار آوینش تیواری نبھاتے نظر آئے۔

اس فلم کی کہانی محبت کی طاقت کو ظاہر کرتی ہے جو ہر رکاوٹ کا سامنا کرتی ہے اور دکھاتی ہے کہ حقیقی عشق کبھی مر نہیں سکتا۔

'لیلا مجنوں' کی دلچسپ کہانی، فنکاروں کی اداکاری، مسحور کن گیت اور ان کے دل چھوتے بول، کشمیر کے دلکش قدرتی مناظر یہ وہ تمام باتیں ہیں جو اس فلم کو خاص بناتے ہیں۔

'لیلا مجنوں' کی دلچسپ کہانی اور فنکاروں کی زبردست اداکاری کے علاوہ فلم کے تمام گانے بھی بے انتہا مقبول ہوئے جو فلم کی کہانی کو مزید دلچسپ بناتے چلے گئے۔

2. میری پیاری بندو:

دوسری فلم ہے میری پیاری بندو،جس میں آیوشمان کھرانہ اور پرینیتی چوپڑا نے مرکزی کردار ادا کیا ہے۔ یہ فلم بچپن کی محبت اور نامکمل کہانیوں پر مبنی ہے۔

 فلم کی کہانی ابھیمانیو اور بندو کے گرد گھومتی ہے جو ایک دوسرے سے محبت تو کرتے ہیں، لیکن ان کی راہیں الگ ہو جاتی ہیں۔ 

90 کی دہائی کی 5 بلاک بسٹر رومانوی فلمیں

ان فلموں کی شہرت کی گونج آج 2 دہائیاں گزرنے کے باوجود بھی سنائی دیتی ہے۔

اس فلم میں موسیقی اور کہانی کا امتزاج ناظرین کو جذباتی کر دیتا ہے۔

  2017ء  میں ریلیز ہونے والی اس رومانوی فلم کو سپروتیم سینگپتا نے لکھا ہے اور اس کی ہدایت کاری اکشے رائے نے کی۔

3. گولیوں کی راس لیلا رام لیلا:

"تیسری فلم ہے گولیوں کی راس لیلا رام لیلا، جو سنجے لیلا بھنسالی کا ایک ماسٹر پیس ہے۔ رنویر سنگھ اور دیپیکا پڈوکون کی پرفارمنس اور ان کی کیمسٹری نے اس فلم کو خاص بنا دیا۔

 یہ فلم محبت اور انتقام کی کہانی ہے جو رومیو اور جولیٹ کی کہانی کی طرح ہے۔ فلم کے مناظر، موسیقی، اور اداکاری سب کچھ ناظرین کو اپنی طرف کھینچ لیتے ہیں۔

رومانس سے بھرپور محبت کی کہانی 'گولیوں کی راس لیلا رام لیلا'  1961 کی فلم ‘ویسٹ سائڈ’ کی کہانی کا چربہ ہے۔

 فلم میں اس کے ٹائٹل ‘رام لیلا‘ کو لیکر بھارت میں بہت سے مذہبی گروپس منتشر ہوگئے تھے جن کا اعتراض تھا کہ بولڈ سینز پر مبنی فلم کو بھگوان رام کے نام سے جوڑنا ناقابلِ قبول ہے۔

بھارت میں ہونے والے احتجاجی مظاہروں کے بعد ہدایت کار سنجے لیلا بھنسالی نے فلم کا نام ‘رام لیلا‘ سے تبدیل کرکے ‘گولیوں کی راس لیلا رام لیلا‘ کردیا تھا۔

4. لُٹیرا:

 50 کی دہائی کے پس منظر میں بنائی گئی فلم ’لٹیرا‘ ایک خوبصورت اور دردناک محبت کی کہانی ہے جس میں رنویر سنگھ اور سوناکشی سنہا نے مرکزی کردار ادا کیے ہیں۔

 یہ فلم محبت، دل ٹوٹنے، اور دوبارہ جڑنے کی کہانی پیش کرتی ہے۔ فلم کی شوٹنگ، مناظر، اور مکالمے سب کچھ آپ کو ایک مختلف دور کی یاد دلاتے ہیں اور آپ کے دل میں ایک خاص احساس چھوڑ جاتے ہیں۔

پولیس گیری کی کہانی میں سنجے دت اور پراچی ڈیسائی کے ساتھ پرکاش راج نے نمایاں کردار ادا کیا، فلم میں ایکشن کے ساتھ کامیڈی کے مناظر کو بھی خوبصورتی سے پیش کیا گیا۔

5. راک اسٹار:

پانچویں فلم ہے راک اسٹار، جو جنون، درد، اور محبت کی داستان ہے۔ رنبیر کپور کی بہترین پرفارمنس اور اے آر رحمان کی روح پرور موسیقی نے اس فلم کو کلاسک بنا دیا۔

’اے دل ہے مشکل‘ کی طرح راک اسٹار میں بھی رنبیر کپور مرکزی کردار میں نظر آئے جنہوں نے ایک موسیقار کا کردار ادا کیا۔

پریتی زنٹا کی بہترین فلمیں اور مشہور کردار کونسے؟

بالی وڈ کی ایک خاص اداکارہ کی کہانی

 فلم میں، جناردن کا خواب ہوتا ہے کہ وہ دل ٹوٹنے کا تجربہ کرے تاکہ وہ ایک کامیاب موسیقار بن سکے۔ وہ اپنا مقصد تو حاصل کر لیتا ہے، لیکن اس عمل میں اپنی زندگی کی محبت کھو دیتا ہے۔ 

راک اسٹار کو ناظرین نے بے حد پسند کیا، اور اس کی مقبولیت کا اندازہ اس بات سے لگایا جا سکتا ہے کہ 2024 میں اس کی دوبارہ ریلیز کے دوران بھی فلم کو شائقین کا شاندار ردعمل ملا۔

6. کل ہو نہ ہو :

اگر آپ نے ’اے دل ہے مشکل’ کی جدائی کی کہانی کو پسند کیا تو ’کل ہو نہ ہو‘ آپ کے لیے بہترین ہوگی۔ شاہ رخ خان، پریتی زنٹا، اور سیف علی خان کی یہ فلم محبت، قربانی، اور زندگی کی خوبصورتی کی عکاسی کرتی ہے۔ فلم کے جذباتی مناظر اور دل کو چھو لینے والے مکالمے ہمیشہ یاد رہتے ہیں۔

7. دل سے:

آخری فلم ہے ’دل سے‘ جو شاہ رخ خان اور منیشا کوئرالا کی شاندار اداکاری پر مبنی ہے۔ یہ فلم محبت کی انتہا، سیاسی پس منظر، اور دل کی گہرائیوں سے جڑی کہانی پیش کرتی ہے۔ اے آر رحمان کی موسیقی اور خوبصورت مناظر فلم کو ایک مکمل پیکج بناتے ہیں۔

 1998 کی بالی وڈ فلم ’دل سے‘ کا گانا ’چھیاں چھیاں‘ آج بھی زبان زد عام ہے، یہ گانا اے آر رحمان نے ترتیب دیا تھا، جسے گلزار نے لکھا تھا، اور اس میں سکھوندر سنگھ اور سپنا اوستھی نے اپنی آواز کا جادو جگایا۔

وہ غیرمقبول فلمیں جو آپ کو ایک بار ضرور دیکھنی چاہئیں

کمرشل سینما کی چکاچوند میں اکثر ایسی شاہکار فلمیں ہماری نظروں سے اوجھل رہ جاتی ہیں

اس گانے میں شاہ رخ خان کیساتھ ملائیکہ اروڑا نے دلفریب رقص پیش کیا تھا۔ اس گانے سے پوری دنیا کے لوگ لطف اندوز ہوتے رہے ہیں، یہ ایک ایسا گانا ہے جو محبت، زندگی اور موسیقی کی طاقت کا جشن مناتا ہے۔