پاکستان کرکٹ ٹیم کے سابق کپتان وسیم اکرم نے اپنی پالتو بلی کی حجامت پر پونے 2 لاکھ روپے خرچ کردیے۔

پاکستان اور آسٹریلیا کے درمیان او ڈی آئی سیریز کے تیسرے اور آخری میچ میں قومی ٹیم کی یادگار فتح کے موقع پر کمنٹری پینل میں بیٹھے وسیم اکرم نے اپنے ساتھ پیش آنے والا یہ دلچسپ قصہ سنایا۔

آن لائن سٹے بازی کی تشہیر میں وسیم اکرم اور میا خلیفہ ایک ساتھ؟

وسیم اکرم نے اپنے سوشل میڈیا اکاؤنٹس پر بھی ویڈیو شیئر کی

سوئنگ کے سلطان اور لیجنڈری فاسٹ بولر وسیم اکرم نے اپنے ساتھی کمنٹیٹرز کو ہنستے ہوئے بتایا کہ انہوں نے اپنی بلی کے بال ترشوانے کے لیے 1000 آسٹریلین ڈالرز (پونے 2 لاکھ پاکستانی روپے) خرچ کردیے ہیں۔

انہوں نے بتایا کہ 'میں کل اپنی بلی کے بال کٹوانے گیا تھا، مجھے اس کے لیے 1000 آسٹریلین ڈالرز ادا کرنے پڑے، انہیں پہلے بلی کو آرام سے رکھا، اسے مطمئن کیا، پھر اسے کھانا بھی کھلایا'۔

وسیم اکرم نے حیرت کا اظہار کرتے ہوئے کہا کہ 'اتنے پیسوں میں پاکستان میں تقریباً 200 بلیوں کے بال کٹوائے جاسکتے ہیں'۔

ٹیلر سوئفٹ کی بلّی انکے بوائے فرینڈ سے بھی زیادہ مالدار

نامور ہالی وڈ گلوکارہ ٹیلر سوئفٹ کی پالتو بلی نے دولت میں ان کے بوائے فرینڈ و...

صورتحال کو مزید مضحکہ خیز بناتے ہوئے وسیم اکرم نے اپنی بلی کی حجامت کی رسید بھی ساتھی کمنٹیٹرز سے شیئر کر دی، جس کی تفصیلات پڑھ کر تینوں کمنٹیٹرز ہنس ہنس کر لوٹ پوٹ ہوگئے۔

رسید میں میڈیکل چیک اپ کے لیے 105 آسٹریلین ڈالرز اور اینستھیزیا کے لیے 305 آسٹریلین ڈالرز جیسے اخراجات شامل تھے جبکہ بال کٹوانے کی اصل فیس محض 40 آسٹریلین ڈالرز تھی۔

وسیم اکرم کی 'ایکشن ہیرو' بننے کی تیاری جاری؟

میں اپنے اوپر بہت محنت کر رہا ہوں ، وسیم اکرم

دیگر اضافی چارجز میں ہیئر کٹ کے بعد بلی کی نوک پلک درست کرنے کے لیے 120 آسٹریلین ڈالرز اور کارڈیو ٹیسٹ کے لیے 251 آسٹریلین ڈالرز جیسے اخراجات بھی رسید میں درج تھے۔

وسیم اکرم نے ہنستے ہوئے بتایا کہ یہ انکی اہلیہ شنیرا کی بلی تھی جسکا نام لیو ہے، اُن کا کہنا تھا کہ میں ہماری بلی کے صرف 15 منٹ کے گرومنگ سیشن کے چکر میں یہاں دن کی روشنی میں لُٹ گیا ہوں۔