بالی وڈ کے بادشاہ امیتابھ بچن نے اپنے مشہور شو ’کون بنے گا کروڑ‘ پتی میں بیٹے و اداکار ابھیشیک بچن کو مہمان بنانے کو بڑی غلطی قرار دے دیا۔

بگ بی نے گزشتہ سال‘ کون بنے گا کروڑ پتی‘ شو کو خیرآباد کہہ دیا تھا اورخیال یہ کیا جارہا تھا کہ اب وہ دوبارہ اس شو کی میزبانی نہیں کریں گے لیکن امیتابھ بچن نے الوداع شو کو نہیں بلکہ اس سیزن کو کیا تھا۔

فلم 'زنجیر' کو ٹھکراکر 'اینگری ینگ مین' نہ بننے والے اسٹارز کون؟

بالی وڈ کے 'اینگری ینگ مین' کون کون سے فنکار بننے سے رہ گئے؟

رواں سال امیتابھ بچن سیزن 16 کے ساتھ ٹی وی اسکرینز پر واپس لوٹے ہیں اور شو کا آغاز امیتابھ بچن نے اپنے روایتی انداز میں سیٹ پر دوڑتے ہوئے کیا اوراس کے بعد اپنی کرسی کی طرف دیکھتے ہوئے کیمرے میں بولنا شروع کردیا۔

سیزن 16 میں متعدد جانی پہچانی شکلیں بھی نظر آئیں لیکن امیتابھ بچن کو سب سے زیادہ پریشانی اپنے خود کے بیٹے ابھیشیک بچن کو شو کا حصہ بنا کر ہوئی۔

سوشل میڈیا پر اس قسط کا پرومو زیرِ گردش ہے جس میں ابھشیک بچن ہاٹ سیٹ پر بیٹھ کر امیتابھ بچن کے انداز میں ’7 کروڑ‘ چلا کر انکا تمسخر اڑا رہے ہیں۔

ابھیشیک بچن نے کہا کہ ’اس سے پہلے کے شو ختم ہوجائے، ہم جیتے ہیں 7 کروڑ‘ ، اس کے بعد لگائی گئی ویڈیو کلپ میں پھر سے ابھیشیک 7 کروڑ کا ہی مذاق بناتے نظر آئے۔

انہوں نے بتایا کہ ’گھر میں جب ہم سب مل کر ٹیبل پر کھانا کھا رہے ہوتے ہیں اور کوئی سوال کیا جاتا ہے تو سارے بچے یک زبان ہوکر چیختے ہیں، 7 کروڑ‘۔

فلم 'آنند' کن فنکاروں سے گزر کر راجیش کھنّہ تک پہنچی؟

'بابوموشائے زندگی بڑی ہونی چاہیے لمبی نہیں'، ڈائیلاگ کس کیلئے لکھا گیا؟

اس کے بعد ابھیشیک بچن نے شو میں بیٹھی آڈینس سے مخاطب ہوتے ہوئے کہا کہ ’ہم تب تک یہیں ہیں جب تک جیت نہیں جاتے 7 کروڑ‘ اور انکے ساتھ آڈینس بھی 7 کروڑ کہتی سنائی دی۔

یہ دیکھ کر امیتابھ بچن بول پڑے کہ ’ابھیشیک کو آج شو میں بُلا کر میں نے سب سے بڑی غلطی کر دی ہے‘۔