بھارت کے اڈانی گروپ کے ارب پتی سربراہ گوتم اڈانی پر امریکہ میں ایک مبینہ اسکیم کے تحت سیکڑوں ملین ڈالر رشوت دینے اور اس اسکیم کو امریکی سرمایہ کاروں سے چھپانے پر فرد جرم عائد کردی گئی۔

غیرملکی خبر رساں ادارے 'رائٹرز' کی رپورٹ کے مطابق حکام نے گوتم اڈانی کے علاوہ اڈانی گرین انرجی کے 2 دیگر ایگزیکٹوز، ان کے بھتیجے ساگر اڈانی اور ونیت جین پر بھی فرد جرم عائد کی ہے۔

ورلڈز بلینیئرز لسٹ، مکیش امبانی کے بعد گوتم اڈانی کا نام

گوتم اڈانی بھارت کے دوسرے امیر ترین شخص بن گئے

امریکی اٹارنی کے دفتر کی جانب سے جاری بیان میں کہا گیا کہ ’گوتم اڈانی نے قابل تجدید توانائی کی انڈین کمپنی کے 2 دیگر ایگزیکٹوز کے ساتھ 2020 اور 2024 کے درمیان شمسی توانائی کی فراہمی کے معاہدوں کو حاصل کرنے کے لیے 250 ملین ڈالر رشوت دی جس سے 2 ارب ڈالر کا منافع متوقع تھا‘۔

نیو یارک کی ڈپٹی اسسٹنٹ اٹارنی جنرل لزا ملر نے بتایا کہ فرد جرم میں الزام لگایا گیا ہے کہ ملزمان نے امریکی سرمایہ کاروں کی قیمت پر بدعنوانی اور دھوکہ دہی کےذریعے ریاست کے توانائی کی فراہمی کے انتہائی بڑے کانٹریکٹ اور فنانس حاصل کرنے کی کوشش کی تھی۔

امریکی استغاثہ کا کہنا ہےکہ قابل تجدید توانائی کمپنی نے اِس عرصے کے دوران جھوٹے اور گمراہ کن بیانات کی بنیاد پر 3 ارب ڈالر سے زیادہ کے قرضے اور بانڈز اکٹھے کیے ہیں۔

مکیش امبانی کو ایک رات میں شکست، گوتم اڈانی بازی لے گئے

گوتم اڈانی نے امبانی سے بھارت کے امیر ترین شخص ہونے کا اعزاز چھین لیا

اڈانی گروپ کے سربراہ پر الزام ہے کہ انہوں نے اربوں ڈالر لگانے والے سرمایہ کاروں کو دھوکہ دیا کیونکہ انہوں نے بھارتی حکام کو 25 کروڑ ڈالر سے زیادہ کی رشوت دے کر منافع بخش شمسی توانائی کی فراہمی کے معاہدوں کو حاصل کرنے کے منصوبے کو سرمایہ کاروں سے چھپایا۔

گوتم اڈانی اور ان کے بھتیجے ساگر اڈانی کے وارنٹ گرفتاری امریکا میں بھارتی سفارتی حکام کے سپرد کرنےکا امکان ہے۔

میڈیا رپورٹس کے مطابق گوتم اڈانی اس وقت بھارت میں ہیں اور اُن پر امریکا لاکر مقدمہ چلائے جانے کا امکان ہے۔

کون بھارتی شہری دنیا کا دوسرا امیر ترین شخص بننے والا ہے؟

ایلون مسک کو پیچھے چھوڑنے میں انہیں کتنا وقت لگے گا؟

واضح رہے کہ گوتم اڈانی کو بھارتی وزیراعظم نریندر مودی کے بھی قریب سمجھا جاتا ہے۔

عالمی جریدے فوربز کے مطابق گوتم اڈانی کا شمار دنیا کے 20 امیر ترین افراد کی فہرست میں ہوتا ہے، ان کے اثاثوں کی مالیت 57.6 ارب ڈالر ہے۔

تاہم آج کے دن اڈانی گروپ کے شیئرز 10 فیصد گرنے کے بعد گوتم اڈانی کے اثاثوں کی مالیت میں 12 ارب ڈالر (17.45 فیصد) کی کمی واقع ہوئی ہے۔