پی آئی اے جو کبھی پاکستان کے سر کا تاج تھی آج کوڑیوں کے ‏بھاؤ بیچا جا رہا ہے۔ پاکستان کی قومی فضائی کمپنی ’پی آئی اے‘ ‏جس کا شمار کبھی دنیا کی بہترین ایئر لائنز میں ہوتا تھا اور کئی ‏اعزازات بھی اس کے نام رہے۔

پی آئی اے صرف پاکستان ہی کی نہیں بلکہ وہ خطے بہترین ایئر ‏لائن تھی، یہ ساؤتھ ایسٹ ایشیا کی بہترین ایئر لائن میں سے ‏تھی۔ پی آئی اے نے بہت ساری اور ایئر لائنز کو بنایا لیکن بد ‏قسمتی سے اپنے آپ کو نہ بنا سکی۔

پی آئی اے کی پروازوں میں ویڈیو، فوٹوز بنانے پر پابندی

پابندی کی خلاف ورزی کرنیوالوں کیخلاف کارروائی کی جائے گی۔

‏ ‏‎70 ‎اور 80 کی دہائی میں جب دنیا بھر میں ایئر لائنز تنزلی کا شکار ‏تھیں اس دوران پی آئی اے نے اپنے آپریشنز کو بڑھایا تاہم جب پی ‏آئی اے کے بعض جہازوں کو بغیر کسی حکمت عملی کے گراؤنڈ ‏کرنے کے فیصلے کیے گئے وہاں سے ایئر لائن کا زوال شروع ہوا۔

پی آئی اے کے عروج کی شاندار تاریخ اور زوال کی دردناک ‏داستانیں ناقابل فراموش ہیں، لیکن آج ہم آپ کو پی آئی اے کے ان ‏کارناموں کے بارے میں بتائیں گے جن سے شاید بہت سے لوگ آج ‏تک ناواقف ہوں۔ ‏

پاکستان کی سب سے پہلی انٹرنیشنل فلائٹ یکم فروری 1955کو ‏کراچی سے لندن کیلئے اڑان بھری تھی جسے پاکستان قومی ‏ایئرلائن پی آئی اے نے سرانجام دیا تھا۔

پی آئی اے کا ایک ورلڈ ریکارڈ ہے جو اب تک کوئی ایئر لائن توڑ ‏نہیں سکی۔ پی آئی اے نے ‏‎1962‎میں لندن سے کراچی کا سفر ‏صرف ‏‎6 ‎گھنٹے اور ‏‎43‎منٹ میں طے کرکیا تھا، اس سفر کے دوران ‏پی آئی اے کے مسافر بردار طیارے نے ‏‎938‎کلو میٹر فی گھنٹہ کی ‏رفتار سے پرواز کی تھی۔ اس کارنامے سے پی آئی اے نے ورلڈ ‏ریکارڈ اپنے نام کیا جو آج تک دنیا کی کوئی بھی کمرشل ایئر لائن ‏توڑ نہیں پائی۔

پی آئی اے کا عمرے کے لیے کرایوں میں بڑی کمی کا اعلان

15 جولائی تک رعایتی قیمتوں پر ٹکٹ حاصل کی جاسکتی ہے۔

پی آئی اے کے طیارے اتنے شاندار تھے کہ متحدہ عرب امارات ‏‎1958‎میں پاکستان سے لیز پر طیارے لیکر اپنی ایئرلائن کا آغاز کیا ‏تھا، پی آئی اے دنیا کی پہلی نان کمیونسٹ ایئر لائن ہے جس نے ‏چین میں لینڈ کیا تھا۔

اس کے علاوہ پی آئی اے کو یہ اعزاز بھی حاصل ہے کہ یہ دنیا کی ‏پہلی ایئر لائن ہے جس نے ماسکو کے راستے ایشیا کو یورپ سے ‏جوڑا تھا۔

پاکستان انٹرنیشنل ایئر لائن ہی نے دنیا میں سب سے پہلے طیاروں ‏میں مسافروں کی تفریح کیلئے فلموں اور میوزک کی سہولت ‏متعارف کرائی۔

پی آئی اے نے پروازوں کو ایرانی فضائی حدود استعمال کرنے سے روک دیا

ازسر نو پلان ترتیب دیے جارہے ہیں، ترجمان پی آئی اے

کسی زمانے میں روشنیوں کے شہر کراچی میں دنیا کی ‏‎40‎‏ ایئر ‏لائنز کے طیارے لینڈ کیا کرتے تھے۔ ان میں سے ‏‎30‎ایئر لائنز کے ‏فضائی اور زمینی علمے کی ٹریننگ کا کنٹریکٹ بھی پی آئی اے ہی ‏کو ملا تھا۔

اس ایئر لائن کو یہ اعزاز بھی حاصل ہے کہ یہ ایشیا کی پہلی ایئر ‏لائن ہے کہ جس نے سب سے پہلے جیٹ طیاروں کو اپنے بیڑے ‏میں شامل کیا۔ پی آئی اے نے سال 1967 میں اس وقت آئی بی ایم ‏کمپیوٹر خریدا جب لوگ کمپیوٹر کے نام سے بھی واقف نہیں تھے۔