اداکار ورون دھون جو 12 سال پہلے کرن جوہر کی اسٹوڈنٹ آف دی ایئر کے ساتھ بالی وڈ کے منظر نامے پر نمودار ہوئے تھے انہوں نے حال ہی میں ایک اور ڈیبیو کیا۔

انہوں نے پروفیشنل نیٹ ورکنگ پلیٹ فارم 'لنکڈ ان' پر انٹری کے ساتھ ہی 24 گھنٹے کے اندر اندر 20 ہزار سے زائد فالوور اکٹھے کرلیے تھے۔

ورون دھون کی بحیثیت سرمایہ کار 'لنکڈ اِن' پر انٹری

لنکڈ ان پیشہ ورانہ رابطوں اور ملازمت کی تلاش کا مقبول پلیٹ فارم ہے۔

ان کے متعدد مداح اداکار کو دیکھنے کے لیے پرجوش تھے، جن کے پہلے ہی انسٹاگرام، فیس بک اور ٹوئٹر پر لاکھوں فالوورز ہیں تاہم ورون کے اس اقدام کو کافی حد تک طنز اور ٹرولنگ کا سامنا کرنا پڑا۔

اور پھر اداکار کو اپنا اکاؤنٹ بنانے کے صرف چار دن کے اندر اسے ڈیلیٹ بھی کرنا پڑا۔

بھارتی میڈیا کی رپورٹ میں کہا گیا کہ ورون دھون کو اپنے لنکڈ اِن اکاؤنٹ کی پروفائل کی بایو میں خود کو 300 کروڑ کی میگا ہِٹ فلموں کے ساتھ ایک محنتی اداکار قرار دینے پر سوشل میڈیا صارفین کی جانب سے شدید تنقید کا سامنا کرنا پڑا۔

ورون دھون نے خود کے بارے میں لنکڈ اِن بایو میں لکھا تھا کہ فلم انڈسٹری میں ایک دہائی سے زیادہ عرصہ کام کرنے کے بعد مجھے سخت محنت، ٹیم ورک کی اہمیت کے بارے میں بہت کچھ سیکھنے کا موقع ملا ہے۔

ورون دھون کی بیٹی کو نقصان پہچانے والے کو جان سے مار نے کی دھمکی

بیٹی کی حفاظت کیلئے کچھ بھی کرونگا

انہوں نے لنکڈ اِن پروفائل میں اپنا تعارف اداکار، سرمایہ کار، اور اسسٹنٹ ڈائریکٹر کے طور پر کرایا تھس۔

جیسے ہی ورون دھون کے لنکڈ اِن پر شامل ہونے کی خبر سوشل میڈیا پر وائرل ہوئی، انہیں صارفین کی جانب سے تنقید کا نشانہ بھی بنایا گیا۔

ایک صارف نے لکھا کہ 'ورون بھی ہم سب کی طرح لنکڈ ان پر لمبی لمبی چھوڑ رہے ہیں' جبکہ دوسرے نے لکھا کہ 'معذرت کے ساتھ آپ کی کس فلم نے 300 کروڑ کمائے'؟۔

علاوہ ازیں ایک صارف نے ان کے اہم پروجیکٹس اور ڈسکرپشن کی جانب اشارہ کیا تو ایک نے پوچھا کہ 'اوپن ٹو ورک' کا بیج کہاں ہے۔