بالی وڈ اداکارہ ایشوریا رائے بچن نے خواتین کو گلی کوچوں میں ہراسگی سے نمٹنے کا بہترین طریقہ بتادیا۔

 کاسمیٹک کمپنی لوریال پیرس کی برانڈ ایمبیسیڈر اور بی ٹاؤن کی ورسٹائل اداکارہ ایشوریا رائے بچن نے  حال ہی میں ایک اشتہار میں اسٹریٹ ہراسمنٹ سے نمٹنے کے بارے میں بات کی۔

ابھیشیک سے طلاق، ایشوریا کے انسٹاگرام نے حقیقت بیان کردی

ایشوریا رائے اور ابھیشیک بچن کے درمیان کشیدگی دم توڑنے لگی

فوٹو اینڈ ویڈیو شیئرنگ ایپ انسٹاگرام پر اداکارہ نے پوسٹ شیئر کی جس میں انہیں اسٹریٹ ہراسمنٹ کے اہم ترین مسئلے پر بات کرتے سنا گیا۔

ویڈیو میں ایشوریا رائے بچن کا کہنا تھا کہ،’آپ اسٹریٹ ہراسمنٹ سے خود کو کیسے محفوظ رکھ سکتے ہیں، کیا آپ نظریں ملانے سے گریز کریں گے؟ بالکل نہیں بلکہ اپنا سر بلند رکھیں اور اس مسئلے کو قریب سے دیکھیں’۔

اداکارہ نے تمام خواتین کو مخاطب کرتے ہوئے مزید کہا کہ،’ نسوانیت اور وقار کو اہمیت دیں۔ میری قدر، میرا جسم۔ خود کو کبھی کمتر نہ سمجھیں۔ اپنے آپ پر شک نہ کریں۔ اپنے لیے مضبوط موقف اختیار کریں۔ یہاں تک کہ اپنے لباس یا لپ اسٹک کو بھی قصوروار نہ ٹھہرائیں۔ اسٹریٹ ہراسمنٹ کے لیے آپ کبھی ذمہ دار نہیں ہیں۔’

معنی خیز ویڈیو پیغام جاری کرتے ہوئے اداکارہ نے کیپشن میں لکھا کہ،’بین الاقوامی دن برائے تشدد کے خاتمے کے موقع پر لوریال پیرس کے اسٹینڈ اپ پروگرام میں شامل ہوں۔ کیونکہ ہم سب کی بہت ویلیو ہے’۔

جب ایشوریا رائے کو سلمان خان کی وجہ سے بڑی آفر سے ہاتھ دھونا پڑا

فلم ’رام لیلا’ کی 11ویں سالگرہ پر اہم راز سے پردہ اٹھ گیا

کام کے محاذ پر بات کریں تو اداکارہ ایشوریا رائے بچن نے کئی کامیاب فلموں میں کام کیا  جن میں دیوداس، ہم دل دے چکے صنم، گرو، جودھا اکبر، تال، رین کوٹ، جینز، برائیڈ اینڈ پریجوڈائس، اور محبتیں شامل ہیں۔ 

علاوہ ازیں انہیں  1994 میں مس ورلڈ کے ٹائٹل سے بھی نوازا گیا جبکہ  ایشوریا متعدد عالمی ایونٹس جیسے کانز فلم فیسٹیول اور پیرس فیشن ویک میں باقاعدگی سے شرکت کرتی نظر آتی ہیں۔