کراچی میں سسر کو پھنسانے کے لیے ڈکیتی کی جھوٹی اطلاع دینا داماد کو مہنگا پڑ گیا، پولیس نے جھوٹا الزام لگانے کے مقدمے میں ملزم کو تین ساتھیوں سمیت گرفتار کرلیا۔

کراچی پولیس کا کہنا تھا کہ مددگار 15 پر احمد نامی شہری کی جانب سے پولیس کو اطلاع موصول ہوئی تھی احسن آباد چڑھائی کے قریب ہائی روف میں سوار ملزمان نے ہم سے 14 لاکھ 95 ہزار روپے چھینے ہیں، اس اطلاع پر پولیس فوری موقع پر پہنچی اور متاثرہ افراد موجود تھے۔

پاک-انگلینڈ سیریز کے دوران بین اسٹوکس کے گھر ڈکیتی

نقاب پوش چور انگلش کپتان کے گھر سے قیمتی اشیا لے اڑے۔

شہری احمد نے پولیس کو بتایا کہ اس کا دوست حیدرآباد سے پلاٹ فروخت کر کے آرہا تھا کہ ہائی روف میں افراد رقم چھین کرفرار ہوگئے۔

پولیس کے مطابق انہیں معاملہ کچھ گڑ بڑ لگا اس لیئے جب تحقیقات آگے بڑھائی گئیں تو ملزمان نے سچ اگل دیا۔

تابش ہاشمی کی بہادر اہلیہ ڈکیتوں کے سامنے ڈٹ گئیں

ڈکیتی کی واردات سے متعلق میزبان تابش ہاشمی نے ایک واقعہ سنا ڈالا

ملزم احمد نے پولیس کو بتایا کہ اس نے سابقہ سسر کو پھنسانے کے لیے ڈراما کیا تھا۔ جس ہائی روف کا نمبر پولیس کو دیا وہ اس کے سابقہ سسر کی تھی۔

ملزم احمد کی بیوی نے دو ماہ قبل اس سے خلع لے لی تھی، ملزم اپنے دوستوں کے ساتھ ملکر سسر کو نقصان پہنچانا چاہتا تھا، ملزم کے خلاف ٹیلی گراف ایکٹ کے تحت کارروائی شروع کردی گئی ہے۔

ٹیلی گراف ایکٹ کے تحت غلط اطلاع دینے والے کو 5 ماہ سے 3 سال تک کی سزا ہوسکتی ہے