بھارتی شہر پونے کے گروارے کرکٹ اسٹیڈیم میں ایک افسوسناک واقعہ پیش آیا ہے جہاں کرکٹ میچ کھیلتے ہوئے دل کا دورہ پڑنے سے ایک 35 سالہ کرکٹر کی موت واقع ہوگئی۔

میڈیا رپورٹس کے مطابق عمران پٹیل نامی یہ کھلاڑی اوپنر کے طور پر بیٹنگ کرنے آیا تھا، تاہم پچ پر کچھ وقت گزارنے کے بعد اسے اچانک سینے اور بازو میں تکلیف محسوس ہونے لگی۔

کرکٹ کھیلتے ہوئے کھلاڑی اچانک دل کا دورہ پڑنے سے ہلاک

کھلاڑی کو اسپتال پہنچنے پر مردہ قرار دے دیا گیا۔

اس نے آن فیلڈ امپائرز کو اپنی کیفیت سے آگاہ کیا اور میدان سے جانے کی اجازت مانگی، تاہم پویلین واپس جاتے ہوئے عمران راستے میں ہی گر پڑا۔

میچ کی لائیو سٹریمنگ جاری تھی اور یہ تمام منظر کیمرے کی آنکھ میں محفوظ ہوگیا۔

عمران کے گرتے ہی میدان میں موجود دیگر کھلاڑی اُس کی جانب لپکے اور اسے فوری طور پر ہسپتال لے جایا گیا جہاں ڈاکٹروں نے اسے مردہ قرار دے دیا۔

برازیلی گلوکار کی دوران کانسرٹ اسٹیج پر موت

واقعہ 13 جولائی کو پیش آیا

اہلخانہ اور ساتھی کھلاڑیوں نے عمران کی اچانک موت پر حیرت کا اظہار کیا ہے جن کے بقول اس کی اچھی بھلی صحت تھی اور وہ جسمانی طور پر بالکل تندرست تھا، اسکے باوجود اس کو اچانک دل کا دورہ پڑگیا۔

بحیثیت آل راؤنڈر عمران ایک متحرک کھلاڑی تھا جسے پورے میچ میں فعال کردار ادا کرنا پڑتا تھا، لہٰذا اس کی اچانک موت نے بہت سے لوگوں کو حیرت اور صدمے میں مبتلا کردیا ہے۔

میچ کا حصہ بننے والے ایک اور کرکٹر نصیر خان نے عمران کی اچانک موت کے حوالے سے بات کرتے ہوئے کہا کہ 'عمران کسی بھی قسم کے طبی عارضے میں مبتلا نہیں تھا، اس کی جسمانی صحت اچھی تھی، وہ تو ایک آل راؤنڈر تھا جو کھیل کو پسند کرتا تھا، اس کی اچانک موت پر ہم سب ابھی تک صدمے میں ہیں۔

دورانِ پرواز پائلٹ کی موت، جہاز کی ہنگامی لینڈنگ

ترکش ایئر لائن کی پرواز کے دوران پائلٹ انتقال کر گیا۔

سوگواران میں عمران کی اہلیہ اور 3 بیٹیاں بھی شامل ہیں جن میں سے سب سے چھوٹی بیٹی صرف 4 ماہ کی ہے۔

پٹیل اپنے علاقے کی ایک مشہور شخصیت سمجھا جاتا تھا، وہ ایک کرکٹ ٹیم کا مالک تھا، اس کا رئیل اسٹیٹ کا کاروبار بھی تھا اور وہ جوس کی دکان بھی چلاتا تھا۔

قبل ازیں رواں سال ستمبر میں پونے میں ہی حبیب شیخ نام کا ایک اور کرکٹر میچ کھیلتے ہوئے اسی طرح انتقال کر گیا تھا۔

تاہم حبیب ذیابیطس کا مریض تھا، جبکہ عمران کی اچانک موت اس لیے حیران کُن ہے کیونکہ وہ دل کے عارضے سمیت کسی بھی بیماری میں مبتلا نہیں تھا۔