اگر پاکستانی شوبز کی تاریخ لکھی جائے تو وہ معین اختر کے بغیر مکمل نہیں ہوگی، اگر چہ ان کی شہرت مزاح نگار کی ہے لیکن فن کے ہر شعبے میں انہوں نے جھنڈے گاڑے ہیں۔

بحیثیت اداکار، گلوکار، صداکار، مصنف، میزبان اور ہدایت کار معین اختر نے اپنی صلاحیتوں کا لوہا منوایا، یہ حقیقت ہے کہ معین اختر جیسے فنکار صدیوں میں جنم لیتے ہیں۔

معین اختر آخر انور مقصود کے ملازموں کو زیادہ تنخواہ کی آفر کیوں کرتے تھے؟

معین اختر اور انور مقصود کے درمیان 36 سال سے اٹوٹ رشتہ اور دوستی تھی

معین اختر نے پاکستان کے علاوہ بھارت میں بھی مقبولیت حاصل کی اور انھیں بھارتی لیجنڈ اداکار دلیپ کمار اور گلوکارہ لتا منگیشکر سمیت اداکارہ مادھوری ڈکشٹ کے سامنے اسٹیج پرفارمنس کا بھی موقع ملا۔

دلیپ کمار کے ساتھ معین اختر کے خصوصی مراسم تھے، دلیپ کمار جب بھی پاکستان یا دبئی آتے تو معین اختر اس شو کی میزبانی کیا کرتے تھے۔

معین اختر کی شہرت جب سرحد پار پہنچی تو انہیں وہاں مدعو کیا گیا ۔

معین اختر کے نواسے کی شادی کی تصاویر وائرل

’ہمارا ہمیشہ کے ساتھ کا آغاز ہوگیا ہے، الحمداللہ‘۔

مشہور اسکرپٹ رائٹر ناصر ادیب جنہوں نے ’مولاجٹ‘ جیسی فلمیں لکھی ہیں انہوں نے ایک پوڈ کاسٹ میں معین اختر کا ایک دلچسپ قصہ سنایا جب ہندوستان سے معین اختر کو بالی وڈ کے ایک مشہور پروڈیوسر کی کال آئی کہ آپ ہندوستان آجائیں تو معین اختر وہاں چلے گئے۔

ناصر ادیب کا کہنا تھا کہ معین اختر کو ہندوستان بلانے کا مقصد ایک شو تھا جس میں لیجنڈ دلیپ کمار اور راج کمار کو شرکت کرنا تھی، دونوں بڑے ادکار تھے لیکن دونوں میں ہی ان بن بھی تھی، دونوں ایک دوسرے کو بڑا ایکٹر نہیں مانا کرتے تھے۔

معین اختر نے آخری بار بشریٰ انصاری کو فون پر کیا کہا؟

اداکارہ بشریٰ انصاری ذکر کرتے ہوئے آبدیدہ ہوگئیں

بھارتی ہدایتکار کو یہ لگتا تھا کہ معین اختر ہی وہ شخص ہیں جو ان دونوں اداکاروں کی صلح کروا سکتے ہیں اور معین اختر نے یہی کر دکھایا اور دونوں اداکاروں کی صلح کروا دی۔

ناصر ادیب کا کہنا تھا کہ دلیپ کمار اور راج کمار کے درمیان کھلے لفظوں لڑائی جاری تھی اور ہندوستان کے تمام پروڈیوسر یہ چاہتے تھے کہ دونوں صلح کرلیں لیکن ان میں سے کسی کی بھی بات دونوں ادکاروں نے نہیں مانی۔

ناصر ادیب کا کہنا تھا کہ معین اختر انسانوں کے نبض شناس تھے، وہ سمجھ گئے تھے کہ دلیپ کمار کہاں غلط ہیں اور راج کمار کہاں غلط ہیں ، معین اختر نے کچھ نہیں کیا اور صرف انہیں یہ احساس دلایا کہ وہ دونوں کہاں کہاں غلط ہیں اور ان دونوں اداکاروں کی عظمت یہ ہے کہ انہوں نے اپنی غلطی تسلیم کرکے صلح کرلی۔

دلیپ کمار کتنے امیر تھے؟

اداکار ایک لاکھ معاوضہ وصول کرنے والے پہلے فنکار تھے

ناصر ادیب کا کہنا تھا کہ لڑائی کروانا سب سے آسان کام ہے، لیکن صلح کروانا ایک عظیم انسان کی نشانی ہے۔

آج یہ تینوں عظیم فنکار اس دنیا میں نہیں ہیں لیکن ان سے جڑے واقعات آج بھی سبق آموز ہوتے ہیں ۔