پاکستانی فلم انڈسٹری میں طویل عرصے بعد ایک ایسی فلم ریلیز ہونے جارہی ہے جسے دیکھنے کے لیئے فلم بین سینما تو جائیں گے لیکن شاید ان کی واپسی ڈر اور خوف کی علامات کے ساتھ ہو۔

حال ہی میں اگلے سال ریلیز ہونے والی ہارر فلم ’ دیمک‘ کا ٹریلر ریلیز کیا گیا ہے جو خوف ، آسیب ، بھوت پریت کی داستان بیان کرتا نظر آرہا ہے۔

فلم ’دیمک‘ کے مرکزی کرداروں میں فیصل قریشی، سونیا حسین، جاوید شیخ ، بشریٰ انصاری اور ثمینہ پیرزادہ شامل ہیں، مذکورہ فلم کی کہانی معروف مصنفہ عائشہ مظفر نے لکھی ہے جبکہ اس فلم کی ہدایتکاری کی ذمہ داری رافع راشدی سنبھال رہے ہیں۔

فلم کا ٹریلر دیکھ کر ہی اس کے شدید ہارر ہونے کا احساس ہوجاتا ہے،فلم کے ٹریلر میں سب سے پہلے یہ بات بتائی گئی ہے کہ فلم حقیقی زندگی کے واقعات پر مبنی ہے۔

فیصل قریشی اور سونیا ناظرین کو ڈرانے کیلئے تیار

پاکستانی اداکار فیصل قریشی اور اداکارہ سونیا حسین کے آئندہ سال ریلیز ہونے والی...

ٹریلر میں ایک گھر دکھایا گیا ہے جو کہ دیکھنے میں ہی آسیب زدہ لگتا ہے، پھر اگلے سینز میں فلم کے کردار ڈرے سہمے نظر آتے ہیں، دروازے اچانک بند ہونے لگتے ہیں ، پنکھے پر کوئی غیر ماورائی شخص بیٹھا نظر آتا ہے، بچے ڈرے سہمے نظر آتے ہیں۔

ٹریلر میں خوفناک مناظر کی بھرمار ہے جس میں ایک بچے کا بیڈ ہوا میں اچھل جاتا ہے اور بچے چیختے ہوئے نظر آتے ہیں ، اداکارہ سونیا حسین آسیب کے زیر اثر خوفناک طریقے سے ہنستے ہوئے نظر آتی ہیں۔

فلم ’دیمک‘ کا یہ ٹریلر دیکھ کر ناظرین کی ہڈیوں میں ویسے ہی سنسنی دوڑ گئی ہے تو فلم دیکھ کر کیا حال ہوگا۔

دوسری جانب فلم کے ٹریلر کو مداحوں نے خوب سراہا ، اداکار زاہد احمد نے کمنٹ کیا وہ فلم کو سینما کی پہلی نشستوں پر بیٹھ کر دیکھیں گے۔

ایک صارف نے کمنٹ کیا کہ وہ یہ فلم سینما میں دیکھنے کے لیے بیتاب ہیں۔

یاد رہے کہ فلم اگلے سال سینماگھروں میں فلم بینوں کو ڈراتے ہوئے نظر آئے گی۔