آسٹریلیا کے عظیم کرکٹر ڈان بریڈمین کی ایک 'بیگی گرین' ٹیسٹ کیپ نیلامی میں 3 لاکھ 90 ہزار آسٹریلوی ڈالر (تقریباً 7 کروڑ پاکستانی روپے) کی خطیر رقم کے عوض فروخت ہوگئی۔

بیگی گرین کیپ سبز رنگ کی ڈھیلی ڈھالی آسٹریلوی کرکٹ ٹیم کی ایک منفرد اور مشہور ٹوپی ہے، یہ صرف ان کھلاڑیوں کو دی جاتی ہے جو ٹیسٹ کرکٹ میں آسٹریلیا کی نمائندگی کرتے ہیں۔

نمبر 18، ویرات کوہلی کی جرسی حیران کن قمیت میں نیلام

دھونی کا بلّا اور روہت شرما کی جرسی بھی نیلام

یہ ٹوپی آسٹریلوی کھلاڑیوں کے لیے ایک علامتی حیثیت رکھتی ہے اور بیگی گرین ٹوپی کو نہ صرف کرکٹ کی تاریخ میں ایک منفرد مقام حاصل ہے بلکہ یہ کھلاڑیوں کے لیے فخر اور اعزاز کی علامت بھی سمجھی جاتی ہے۔

غیر ملکی میڈیا رپورٹ کے مطابق آنجہانی سر ڈان بریڈمین نے یہ ٹیسٹ کیپ ہوم گراؤنڈ پر اپنی آخری ٹیسٹ سیریز کے دوران پہنی تھی، جو 48-1947 میں آسٹریلیا میں بھارت کے خلاف کھیلی گئی تھی۔

تقریباً 80 برس یہ کیپ کوئی بہت اچھی حالت میں نہیں تھی بلکہ اس کا نہ صرف رنگ کچھ جگہوں سے خراب ہوچکا ہے بلکہ کیڑوں کے کھانے کے نشانات بھی اس پر نمایاں تھے۔

تاہم اس کیپ کی تاریخی حیثیت کی وجہ سے صرف 10 منٹ تک جاری رہنے والی نیلامی میں اس کی بولی ایک لاکھ 60 ہزار امریکی ڈالر سے جلد ہی 2 لاکھ 60 ہزار امریکی ڈالر (3 لاکھ 90 ہزار آسٹریلوی ڈالر) تک پہنچ گئی۔

دیوار پر ٹیپ سے چپکا کیلا ایک ارب 72 کروڑ روپے میں نیلام

مذکورہ کیلا آرٹ رپٹو کرنسی ٹرون کے بانی جسٹن سن نے اسے خریدا۔

بریڈمین نے یہ کیپ بھارتی ٹیم کے اس وقت کے منیجر پنکج کمار گپتا کو تحفے میں دی تھی بعد میں کئی عرصے بعد ایک کلیکٹر نے یہ کیپ خریدی اور اسے بریڈمین میوزیم میں عطیہ کر دی جس کے بعد اسے اب نیلام کر دیا گیا ہے۔

نیلامی کرنے والوں نے نے کہا کہ یہ سیریز کے دوران بریڈمین کی جانب سے پہنی گئی 'واحد معروف بیگی گرین' کیپ تھی۔

اس سیریز میں بریڈمین نے شاندار کارکردگی کا مظاہرہ کرتے ہوئے اپنی 100ویں فرسٹ کلاس سنچری اسکور کی تھی، رائٹ ہینڈ بیٹر نے چھ اننگز میں 178.75 کی اوسط سے 715 رنز بنائے، جس میں 3 سنچریاں اور ایک ڈبل سنچری شامل تھی۔

بریڈمین کو کرکٹ کی تاریخ کا سب سے عظیم بیٹر مانا جاتا ہے، انہوں نے 52 ٹیسٹ میچز میں 99.94 کی اوسط سے 6996 رنز بنائے، جن میں 29 سنچریاں اور 13 نصف سنچریاں شامل ہیں، وہ طویل فارمیٹ میں سب سے زیادہ ڈبل سنچریوں (12) کا ریکارڈ بھی رکھتے ہیں۔

ملکہ الزبتھ دوم کی شادی کا کیک کا ٹکڑا لاکھوں میں نیلام

77سال بعد کیک کا ٹکڑا نیلامی میں فروخت ہوگیا

سر ڈان بریڈ مین 2001 میں 92 سال کی عمر میں انتقال کر گئے تھے۔

بریڈمین نے 99.94 کی اعلیٰ ٹیسٹ بیٹنگ اوسط کے ساتھ ریٹائرمنٹ لے لی تھی اور کرکٹ اتھارٹی وزڈن نے انہیں 'جنٹلمینز گیم میں اب تک کا سب سے بڑا کھلاڑی' قرار دیا ہے۔

یہاں یہ بات مدِ نظر رہے کہ رواں سال کے اوائل میں آسٹریلیا میں جنگلات کی آگ سے متاثرین کی مدد کے لیے شین وارن کی بیگی گرین کیپ فروخت کی گئی تھی جو اس دگنی یعنی 6 لاکھ 50 ہزار امریکی ڈالر کی قیمت میں فروخت ہوئی تھی۔