سعودی عرب کے فٹ بال کلب سے وابستہ عالمی شہرت یافتہ فٹبالر کرسٹیانو رونالڈو کی اسلام میں دلچسپی سے متعلق حیرت انگیز دعویٰ سامنے آیا ہے۔

سعودی فٹبال کلب النصر کے سابق گول کیپر اور  ساتھی فٹبالر نے انکشاف کیا ہے کہ پرتگال کے اسٹار فٹ بالر کرسٹیانو رونالڈو اسلام قبول کرنا چاہتے ہیں۔

رونالڈو کی تلاوتِ قرآن کی ویڈیو وائرل، حقیقت کیا؟

وائرل ویڈیو کو اب تک لاکھوں لوگ دیکھ چکے ہیں

 پرتگال سے تعلق رکھنے والے فٹبالر رونالڈو دسمبر 2022 سے سعودی عرب کے کلب ’النصر‘ سے منسلک ہیں۔

 رونالڈو جب سے سعودی عرب منتقل ہوئے وہ آئے روز مسلمانوں کا دل جیتتے نظر آتے ہیں، کبھی ایکس پیغام میں ’انشاءاللہ‘ کا اضافہ کردیتے ہیں تو کبھی اپنے کسی اقدام سے مسلم امہ کے دلوں میں گھر کر جاتے ہیں۔

ایک ٹی وی شو میں گفتگو کرتے ہوئے سعودی فٹبالر ولید عبداللہ جو کہ رونالڈو کے کلب النصر میں سابق گول کیپر بھی تھے نے انکشاف کیا کہ رونالڈو اسلام کی تعلیمات اور سعودی عرب کی ثقافت کے بارے میں گہری دلچسپی رکھتے ہیں۔

انہوں نے بتایا کہ رونالڈو واقعی اسلام قبول کرنا چاہتے ہیں، اس حوالے سے میں نے ان سے بات بھی کی اور انہوں نے اپنی دلچسپی کا اظہار کیا۔

رونالڈو کے ’انشاء اللہ‘ کہنے پر مداح خوشگوار حیرت میں مبتلا

ایکس پر اپنی ایک پوسٹ میں لفظ ’انشاءاللہ‘ کا استعمال کیا۔

سعودی فٹبالر ولید عبداللہ کا کہنا تھا کہ النصر کی جانب سے کھیلتے ہوئے رونالڈو نے گول کرنے کے بعد میدان میں سجدہ بھی کیا تھا اور کھلاڑیوں کو ہمیشہ نماز پڑھنے اور اسلامی روایات کی پیروی کرنے کی ترغیب دیتے ہیں۔

انہوں نے مزید انکشاف کیا کہ جب بھی ٹریننگ کے دوران اذان ہوتی ہے، رونالڈو کوچ سے درخواست کرتے ہیں کہ ٹریننگ کو روک دیا جائے تاکہ ان کے ساتھی کھلاڑی نماز ادا کر سکیں۔

انٹرویو میں ولید نے اس واقعے کا بھی ذکر کیا جب مئی 2023میں النصر کے لیے گول کرنے کے بعد رونالڈو نے میدان میں سجدہ کیا۔

ولید نے بتایا کہ جب رونالڈو نے سجدہ کیا تھا تو ٹیم کے تمام کھلاڑیوں نے ایک ساتھ اللہ اکبر کا نعرہ لگایا۔

کرسٹیانو رونالڈو کا لفظ ’شکراً‘ کہنا مداحوں کو بھاگیا

پرتگال سے تعلق رکھنے والے معروف فٹبالر کرسٹیانو رونالڈو کا لفظ ’شکراً‘ کہنا...

انہوں نے کہا کہ رونالڈو اسلام قبول کریں یا نہ کریں، لیکن ان کا ڈسپلن اور محنت ہی انہیں اس مقام تک لے آئی ہے، جو بھی سعودی عرب آتا ہے، وہ رونالڈو سے متاثر ہوتا ہے۔

یاد رہے کہ گزشتہ سال جنوری میں رونالڈو اور سعودی کلب النصر کے درمیان ڈھائی سالہ معاہدہ طے پایا تھا جس کے تحت النصر کلب نے انہیں 21 کروڑ 30 لاکھ ڈالرز معاوضہ ادا کرنا ہے۔