بھارت کے معروف گلوکار ابھیجیت بھٹاچاریہ نے عالمی شہرت یافتہ گلوکارہ دعا لیپا کی جانب سے اپنے ممبئی کانسرٹ میں ‘لیویٹنٹنگ ایکس وہ لڑکی‘ پرفارمنس پر ہونے والی شاہ رخ خان کی پذیرائی پر دیے جانے والے اپنے متنازع بیان پر وضاحت دیدی۔

ابھیجیت بھٹاچاریہ جو 1990-2000 کی دہائی میں شاہ رخ خان کے کئی مشہور گانوں کے پیچھے مقبول آواز تھے، اب ان کی آواز نہ ہونے کی وجہ کے بارے میں بات کی۔ 

گلوکار نے مداحوں سے انکشاف کیا کہ کیا شاہ رخ خان اور وہ ایک عرصے سے  ایک دوسرے کے خلاف ناراضگی رکھتے ہیں جو شاید ختم نہ ہو۔

ابھیجیت بھٹاچاریہ کے شاہ رخ خان کے ساتھ اختلافات

بھارتی میڈیا کو دیے جانے والے اپنے  حالیہ انٹرویو میں دعا لیپا کی جانب سے وہ لڑکی پر دی جانے والی پرفارمنس پر دیے جانے والے اپنے اسکینڈیلائز  اسٹیٹمنٹ ہت بات کرتے ہوئے  ابھیجیت بھٹاچاریہ کا کہنا تھا کہ ‘سپر اسٹار شاہ رخ خان کے ساتھ ان کے مسائل اس وقت شروع ہوئے جب انہیں لگا کہ انہیں ان کے کام کے لیے صحیح طریقے سے کریڈٹ نہیں دیا جا رہا ہے‘۔

ان کاکہنا تھا کہ ‘میں نے اداکار شاہ رخ خان کے لیے فلموں میں  گانا  گانا اس وقت روکا جب مجھے محسوس ہوا کہ میری عزت نفس مجروح ہورہی ہے‘۔

شاہ رخ کو کریڈٹ کیوں؟ دعا لیپا کی پرفارمنس پر ابھیجیت پھٹ پڑے

ابھیجیت بھٹا چاریہ بھارتی عوام سے ناراض

ابھیجیت نے مداحوں کو بتایا کہ ‘میں شاہ رخ کے لیے گانا نہیں گا رہا تھا، میں اپنے کام کے لیے گا رہا تھا لیکن جب میں نے دیکھا کہ وہ میرے علاوہ سب کو عزت دے رہے ہیں چاہے پھر وپ چائے فروش ہو یا اسپاٹ بوائے، تو میں نے سوچا کہ جب مجھے عزت نہیں دے رہے تو میں انکے گانوں کی آواز کیوں بنوں؟'۔

شاہ رخ خان سے معافی نہیں چاہئے

میزبان کی جانب سے کیے جانے والے سوال کیا گیا کہ ‘کیا شاہ رخ خان نے کبھی ان سے صلح کرنے کی کوشش کی ہے؟‘۔

سوال کا جواب دیتے ہوئے ابھیجیت بھٹاچاریہ نے جواب دیا کہ ‘ایسا نہیں ہے کہ میرا ایس آر کے کے ساتھ رشتہ ٹوٹ گیا ہے، لیکن شاہ رخ اب اتنے بڑے اسٹار ہیں کہ شاید انہیں احساس نہیں کہ میں ناراض ہوں اسلیے میں ان سے کوئی امید کیوں رکھوں؟ میں اب بھی وہی شخص ہوں جو میں پہلے تھا‘۔

وہ لڑکی، دعا لیپا نے میش اپ پرفامنس پر خاموشی توڑ دی

گلوکارہ دعا لیپا کا مداح کو دیا جانے والے جواب توجہ کا مرکز

 ابھجیت کا مزید کہنا تھا کہ ‘میں شاہ رخ خان سے 5-6 سال بڑا ہوں، انکی عمر 60 سال ہے اور میں بھی 60 کی دہائی میں ہوں ہم دونوں میں انا ہے وہ اسکورپیو ہیں تو کیا ہوا میں ان سے بھی  بڑا سکورپیو ہوں مجھے اب ان  کی معافی کی ضرورت نہیں ہے‘۔

واضح رہے کہ عالمی شہرت یافتہ گلولارہ دعا لیپا کی ممبئی کنسرٹ کے دوران بالی وڈ کنگ شاہ رخ خان کے آئیکونک سانگ 'وہ لڑکی' اور اپنے ہٹ ٹریک 'لیویٹیٹنگ' کے میش اپ پر پرفارمس کے بعد  ابھیجیت بھٹاچاریہ نے بھارتی عوام سے کنگ خان کو دیے جانے والے کریڈٹ پر اپنی  ناراضگی کا اظہار کیا تھا۔