دھرمیندربالی ووڈ یا ہندی سنیما کے عظیم سپراسٹار ہیں، جنہوں نے اپنے سالوں کے کیریئر میں ایک سے بڑھ کر ایک ہٹ فلمیں دی ہیں، اپنی بلند آواز اور بے باک اندازکی وجہ سے وہ انڈسٹری میں بڑی شناخت رکھتے ہیں۔

بہت کم لوگ یہ بات جانتے ہوں گے کہ جب انہوں نے انڈسٹری میں قدم رکھا توانہیں اپنے پہلے کام کے لئے صرف 51 روپے ملے تھے، تاہم آج وہ ایک فلم کے لئے کروڑوں روپے کی فیس وصول کرتے ہیں۔

وہ لمحہ جب دھرمیندر نے ساتھی اداکارکو تھپڑ جڑ دیا تھا

دھرمیندراپنی غصیلی طبیعت کےباعث بالی وڈ میں مشہور تھے.

دھرمیندرنے سال 1960 میں اپنی اداکاری کا سفرشروع کیا تھا، ان کی پہلی فلم ’دل بھی تیرا اورہم بھی تیرے‘ تھی، بہت کم لوگ یہ بات جانتے ہوں گے کہ اداکار کو اس فلم کے لئے انہیں صرف 51 روپئے کی فیس ملی تھی۔ تاہم کچھ ہی سالوں میں بالی ووڈ میں ان کے نام کا ڈنکا بجنے لگا۔

دھرمیندر نے صرف رومانٹک ہی نہیں بلکہ کامیڈی اور ایکشن فیلڈ میں بھی اپنی اداکاری کا لوہا منوایا ہے، یہی وجہ ہے کہ آج اداکار ایک فلم کے لئے کروڑوں روپئے کی فیس وصول کرتے ہیں، دھرمیندر سال 2023 میں ریلیز ہوئی فلم ’راکی اور رانی کی پریم کہانی‘ میں نظرآئے تھے۔

اس فلم کے لئے انہوں نے ایک کروڑ روپے کی فیس چارج کی تھی۔

کیا واقعی ہیما مالنی سے شادی کیلئے دھرمیندر نے اسلام قبول کیا؟

بالی وڈکی سب سے متنازع شادی کے بارے میں جانیے

وہیں بات کریں دھرمیندرکی نیٹ ورتھ کی تو رپورٹس کے مطابق، کبھی صرف 51 روپے کمانے والے دھرمیندرآج تقریباً 480 کروڑ روپے کی پراپرٹی کے مالک ہیں۔

دھرمیندرکا ممبئی میں ایک عالیشان بنگلہ ہونے کے ساتھ ساتھ لوناولا میں بھی ایک بہت بڑا فارم ہاؤس ہے، جو 100 ایکڑمیں پھیلا ہوا ہے،اداکارکا یہ فارم ہاؤس 120 کروڑروپے کا ہے۔

دھرمیندرنے جب فلموں میں آئے تھے تووہ پرکاش کورکے ساتھ شادی شدہ تھے، لیکن انڈسٹری میں کام کرنے کے دوران ان کا دل ہیما مالنی پرآگیا اوردونوں نے شادی بھی کرلی تھی۔