پاکستان کی تاریخ میں پہلی مرتبہ ایک ہندو راجندر میگھوار اسسٹنٹ سپرنٹنڈنٹ آف پولیس(اے ایس پی) تعینات ہو گئے ہیں۔

عائلہ مجید ACCA کی پہلی مسلمان پاکستانی خاتون صدر منتخب

اے سی سی اے کی 120 سالہ تاریخ میں پہلی بار یہ منفرد اعزاز عائلہ مجید نے اپنے نام کرلیا

میڈیا رپورٹس کے مطابق سندھ کے ضلع بدین سے تعلق رکھنے والے راجندر میگھوار نے فیصل آباد میں اپنے عہدے کا چارج سنبھال لیا ہے۔

فیصل آباد پولیس کے ترجمان کے مطابق پہلے ہندو افسر راجندر میگھوار کی تعیناتی گلبرگ سرکل میں بطور اے ایس پی ہوئی ہے۔

راجیندر میگھوار کا کیا کہنا ہے؟

بطور اے ایس پی تعینات کیے گئے راجیندر میگھوار کا کہنا ہے کہ عوام کی خدمت کا خواب حقیقت میں ڈھلنے پر انتہائی خوش ہوں۔

پاکستان کی تاریخ میں پہلی مرتبہ صدر کی بیٹی 'خاتونِ اوّل'

آصفہ زرداری کو 'خاتونِ اوّل' بنانے کا تاریخ ساز فیصلہ

انہوں نے کہا کہ پولیس ڈیپارٹمنٹ میں رہ کر ہم لوگوں کے وہ مسئلے حل کر سکتے ہیں جو باقی محکموں میں رہ کر نہیں کر سکتے۔

اُن کا کہنا تھا کہ مجھے نہیں لگتا کہ باقی محکموں میں رہتے ہوئے ہم کمیونٹی کے لوگوں کے لیے اتنا آن گراؤنڈ کام کرسکتے ہیں۔

پولیس حکام بھی پُرامید

پاکستان کے پہلے ہندو نوجوان کی بطور اے ایس پی تعیناتی پر پولیس حکام بھی پُرامید ہیں۔

انٹرنیشنل کرکٹ کیلئے نامزد پہلی پاکستانی خاتون امپائر کون؟

پاکستان کی کرکٹ کی تاریخ میں اہم سنگ میل

پولیس حکام کا کہنا ہے کہ راجیندر امن و امان کے ساتھ ساتھ اقلیتوں کے مسائل حل کرنے میں معاون ثابت ہوں گے۔

انہوں نے کہا کہ یہ ہماری خوش قسمتی ہے کہ ہمارے پاس ایک ہندو افسر ہے، ان کی شمولیت فیصل آباد میں بہت اچھی ثابت ہوگی اس سے پولیس میں تنوع کا عنصر بڑھے گا۔

راجندر مینگھوار کون ہیں؟

صوبہ سندھ کے دور دراز علاقے بدین سے تعلق رکھنے والے راجندر میگھوار کے والد لعل جی پیشے کے اعتبار سے ڈاکٹر ہیں۔

راجندر میگھوار نے میٹرک تک تعلیم اپنے گاؤں سے حاصل کی اور پھر اعلیٰ تعلیم کے لیے یونیورسٹی آف سندھ جامشورو میں داخلہ لیا جہاں سے انہوں نے انگلش لٹریچر میں بیچلرز کی ڈگری حاصل کی۔

راجندر میگھوار نے بیچلرز کی تعلیم دسمبر 2019 میں مکمل کی جس کے بعد وہ لاہور چلے آئے۔ لاہور میں انہوں نے 6 ماہ تک مقابلے کے امتحان کے لیے تیاری کی۔

انہوں نے مقابلے کا امتحان سنہ 2021 میں پاس کیا جس کے بعد وہ پولیس سروسز میں شامل ہوئے۔

رواں برس قذافی سٹیڈیم میں کئی میچز کے دوران وہ سکیورٹی ڈیوٹی انجام دے چکے ہیں تاہم فیصل آباد پولیس میں یہ ان کی پہلی باقاعدہ تعیناتی ہے۔