پاکستانی سینئر اداکارہ بشریٰ انصاری نے شوخ و چنچل اداکارہ سجل علی اور ورسٹائل اداکار عمران اشرف کی شادی کروانے کا انکشاف کر کے سب کو حیران کردیا۔

ان دنوں سوشل میڈیا پر پاکستانی سیلیبریٹیز کی دلچسپ باتوں اور انکشافات کی ویڈیوز وائرل ہورہی ہیں جو کراچی آرٹس کونسل میں جاری سترہویں اردو کانفرنس میں معروف شخصیات کی شرکت کی ہیں۔

ماہرہ خان نے بھی 'کون فردوس جمال؟' کہہ کر بدلا لے لیا

ماہرہ خان نے کچھ نہ کہہ کر فردوس جمال سے بدلا لے لیا

جہاں ماہرہ خان کا فردوس جمال کے حوالے سے پوچھا گیا سوال توجہ کا مرکز بنا وہیں اب بشریٰ انصاری کا بھی ایک بیان خوب وائرل ہو رہا ہے جس میں وہ عمران اشرف اور سجل علی کی شادی کے حوالے سے بات کرتی دکھیں۔

بشریٰ انصاری نے عمران اشرف سے مخاطب ہوتے ہوئے کہا کہ 'آپ کو معلوم نہیں ہے کہ میں نے سجل اور آپ کی شادی کروادی ہے؟'

اس پر عمران اشرف چونک اٹھے اور کہا کہ 'بھائی معاف کردیں سجل میری بہن جیسی ہے' ، اس پر بشریٰ انصاری بولیں کہ 'میں عمران اشرف سے گزشتہ 6 ماہ سے نہیں ملی، اسی طرح سجل سے بھی ملاقات نہیں ہوئی اور سوشل میڈیا پر چل رہا کہ میں نے دونوں کی شادی کروادی ہے'۔

موضوع پر آڈینس ہنس ہی رہی تھی کہ عمران اشرف نے سب کو دیکھ کر کہا کہ 'ارے میرے لیے دعا کریں، ابھی کچھ ایسا ہوا نہیں ہے'۔

سوشل میڈیا پر وائرل ہونے والی اس کلپ کو دیکھتے ہی پہلے فینز حیرت زدہ رہ گئے لیکن پھر حقیقت جان کر قہقہے لگانے پر بھی مجبور ہوگئے۔

یاد رہے کہ عمران اشرف اور سجل علی نے سال 2016 میں ڈراما 'گُلِ رعنا' میں ایک ساتھ کام کیا تھا جس میں سجل علی 'گلِ رعنا' جبکہ عمران اشرف انکے کزن 'اشعر' کا کردار نبھاتے دکھے تھے۔