بالی وڈ فلم نگری کے لیجنڈ اداکار امیتابھ بچن نے انکشاف کیا ہے کہ وہ اہلیہ جیا بچن کی ایک فون کال سے پریشان ہوجاتے ہیں۔

ہمیشہ اپنی سچائی اور صاف گوئی کے لیے جانے  جانے والے بھارتی ہردلعزیز اداکار امیتابھ بچن  نے اپنے پروگرام ’کون بنے گا کڑورپتی سیزن 16’ میں انکشاف کیا ہے کہ وہ اپنی اہلیہ جیا بچن کے فون کرنے پر بے چینی محسوس کرتے ہیں۔

مبہم ٹوئٹس، امیتابھ بچن کا غصہ تھم نہ سکا

مداحوں کی حیرت ختم ہونے کا نام نہیں لے رہی

اداکار کادوران پروگرام مذاقاً کہنا تھا کہ  کبھی کبھی ایسا ہوتا ہے کہ میں کوئی ایسی بات یا حرکت کر دیتا ہوں جس پر مجھے جیا جی کی ناراضی کا سامنا کرنا پڑتا ہے۔ اس لیے جب ان کا فون آتا ہے، تو مجھے لگتا ہے کہ اب کچھ سننے کو ملے گا۔

اسی دوران اداکار نے شو کے شرکاء کیساتھ ایک یادگار قصہ شیئر کرتے ہوئے بتایا کہ،’ ان کی کمپنی نے انہیں بنگالی زبان سیکھنے کے لیے پیسے دیے تھے، لیکن وہ تین دن میں ہی سارا پیسہ خرچ کر دیتے تھے۔’

اب جب سارا پیسا خرچ ہوگیا اور زبان پھر بھی نہ سیکھ سکے تو امیتابھ نے شرمندگی سے بچنے کیلئے ایک ٹرک تلاش کرلی۔

اداکار نے بتایا کہ جب بھی کوئی مہمان آتا تو جیا بچن ایک خاص ترکیب استعمال کرتی ہیں جب انہیں مہمانوں کی موجودگی میں مجھ سے کچھ نجی بات کرنی ہو تو  وہ بنگالی زبان بولنا شروع کر دیتی ہیں جس پر میں ایسے ظاہر کرتا ہوں جیسے مجھے یہ زبان سجھ آرہی ہو۔

امیتابھ بچن کی مبہم ٹوئٹس صارفین کو حیرت زدہ کرگئیں

ابھیشیک اور ایشوریا کی طلاق کے دوران امیتابھ بچن کی ٹوئٹس تہلکہ خیز ثابت ہوئیں

اسی کے ساتھ ایک حالیہ واقعے کا ذکر کرتے ہوئے، امیتابھ بچن نے یہ بھی  بتایا کہ،’حال ہی میں جیا گوا میں ایک فلم کی شوٹنگ کر رہی تھیں تو اس دوران انہوں نے مجھے فون کیا۔ عام طور پر ہم میسج  کے ذریعے بات کرتے ہیں، لیکن اس بار انہوں نے کال کی، اور میں گھبرا گیا۔’

امیتابھ بچن نے مزاحیہ انداز میں کہا کہ جب میں نے کال اٹھائی، تو جیا بچن بنگالی بولنے لگیں جس پر میں صرف 'ہاں، ہاں' کہتا رہا  لیکن بعد میں انہیں بتایا کہ میں کچھ بھی نہیں سمجھ سکا۔ 

انہوں نے مزید کہا، ’اگر آپ مجھ سے آج بنگالی بولنے کو کہیں تو میں صرف دو الفاظ جانتا ہوں: 'بیشی جانے نا، ایکٹو ایکٹو جانے' (زیادہ نہیں جانتا، تھوڑا بہت سمجھتا ہوں)۔’

یاد رہے کہ امیتابھ بچن اور جیا بچن کو شادی کے 51 سال مکمل ہو چکے ہیں، اور ان کی شادی کئی لوگوں کے لیے ایک مثال ہے۔