بالی وڈ کی لیجنڈری اداکارہ ریکھا نے کپل شرما شو میں اپنی حالیہ شرکت کے دوران فلم ‘سہاگ‘ میں اداکار امیتابھ بچن کے ساتھ سانگ ‘او شیراں والی‘ میں کی جانے والی اپنی پرفارمنس پر لب کشائی کرڈالی۔

فلم سہاگ کے سانگ ‘او شیراں والی‘ گانے میں ریکھا اور امیتابھ بچن شامل تھے۔ گانے میں ریکھا ایک مندر میں ڈانڈیا پرفارم کر رہی ہیں۔

بھارت کے معروف کامیڈین کپل شرما کے کامیڈی شو ‘دی گریٹ انڈین کپل شو‘ کے حالیہ ایپی سوڈ کے دوران، ایک مداح نے ریکھا سے فلم سہاگ کے گانے ’او شیروں والی‘ کے بارے میں پوچھا جس کا جواب سوشل میڈیا پر وائرل ہوگیا۔

گانے کے بارے میں بات کرتے ہوئے، ایک مداح نے اداکارہ ریکھا سے سوال کیا کہ ‘فلم سہاگ میں، آپ نے ڈانڈیا بہت اچھی کھیلی تھیں حالانکہ آپ ساؤتھ انڈین ہیں اور  جب آپ نے فلم میں گجراتی ڈانڈیا کھیلی تو ایسا لگا ہی نہیں کہ آپ گجراتی نہیں ہیں،یہ آپ نے کیسے کیا؟

سوال کا جواب دیتے ہوئے اداکارہ ریکھا نے امیتابھ بچن کا نام لیے بغیر  مداحوں کو بتایا کہ آپ صرف یہ سوچیں کہ میں کس کے ساتھ ڈانڈیا کھیل رہی تھی، میرے ہمراہ گانے میں کون شخص تھا؟‘

ریکھا نے بات کو آگے بڑھاتے ہوئے کہا کہ ‘ڈانڈیا آتی ہو یا نہ آتی ہو، سامنے اگر ایسا انسان آجائے تو سب کچھ خود ہی آجاتا ہے کچھ سیکھنے کی ضرورت نہیں رہتی‘۔

اداکارہ ریکھا کا فلم سہاگ کے گانے ’او شیراں والی’ پر دیا جانے والا اسٹیٹمنٹ سن کر مداح عمر کے اس حصے میں بھی اداکار امیتابھ بچن کیلئے ان کی نامکمل محبت کی شدت دیکھ کر ششدر رہ گئے جسے آڈیئنس میں بھٹھے مداحوں کے چہرے کے تاثرات سے واضح طور پر  دیکھا جاسکتا ہے۔

یاد رہے کہ بالی وڈ کے لیجنڈری اداکار امیتابھ بچن اور ریکھا کی فلم سہاگ 1979 میں ریلیز ہوئی تھی جس کی ڈائریکشن مشہور ہدایتکار  منموہن ڈیسائی کی تھی۔

 فلم میں اداکار امیتابھ بچن، ریکھا، ششی کپور، پروین بابی، امجد خان، نروپا رائے، قادر خان، رنجیت اور  نے اداکاری کے جوہر دکھائے تھے۔

صرف یہی نہیں  باکس آفس انڈیا کے مطابق، سہاگ 1979 کی سب سے زیادہ کمائی کرنے والی فلموں میں سے ایک  تھی۔