سعودی عرب کے فٹ بال کلب 'النصر' سے وابستہ عالمی شہرت یافتہ فٹبالر کرسٹیانو رونالڈو کی قبول اسلام کی افواہوں کے بعد اب انکے بیٹے کی 'انشاءاللہ' کہنے کی ویڈیو وائرل ہوگئی۔

حال ہی میں کرسٹیانو رونالڈو نے نمبر ون یوٹیوبر مسٹر بیسٹ کے ساتھ ایک ویڈیو اپنے آفیشل یوٹیوب چینل پر اپلوڈ کی جس میں جونیئر رونالڈو یعنی کرسٹیانو رونالڈو کے بیٹے بھی نظر آئے۔

رونالڈو کے ’قبولِ اسلام‘ سے متعلق حیران کن دعویٰ

ساتھی فٹ بالر نے اسٹار فٹ بالر کی اسلام میں دلچسپی کا انکشاف کردیا۔

مسٹر بیسٹ نے کرسٹیانو رونالڈو جونئیر سے پوچھا کہ کیا آپ نے باسکٹ بال میں لیجنڈ لیبرون جمیز اور ان کے بیٹے برونی جیمز کی جوڑی کو کھیلتے ہوئے دیکھا تھا جس پر انہوں نے جواب میں 'ہاں' کہا۔

اس پر مسٹر بیسٹ نے پوچھا کیا آپ بھی اپنے والد کے ساتھ ایسے ہی کھیلیں گے جس پر کرسٹیانو رونالڈو جونئیر نے کہا ’انشاءاللہ‘۔

بیٹے کی اس بات پر رونالڈو نے مسٹر بیسٹ کو کہا کہ امید ہے ایسا ہوگا۔

رونالڈو کے ’انشاء اللہ‘ کہنے پر مداح خوشگوار حیرت میں مبتلا

ایکس پر اپنی ایک پوسٹ میں لفظ ’انشاءاللہ‘ کا استعمال کیا۔

یہ ویٖڈیو ایسے وقت میں وائرل ہوئی ہے جب سعودی عرب کے فٹبال کلب ’النصر‘ کے سابق گول کیپر ولید عبداللہ نے حال ہی میں دعویٰ کیا ہے کہ کرسٹیانو رونالڈو مذہب اسلام میں گہری دلچسپی رکھتےہیں اور اسے قبول کرنے کی خواہش رکھتے ہیں۔

دوسری جانب اس وائرل ویڈیو پر تبصرہ کرتے ہوئے ایک ایکس صارف نے لکھا کہ جونیئر رونالڈو نے دراصل پرتگالی لفظ oxalá کہا ہے۔

انہوں نے لکھا کہ پرتگالی میں "oxalá" لفظ ایک یقینی خواہش یا امید کو ظاہر کرنے کے لیے استعمال کیا جاتا ہے، یہ ایسا ہی ہے جیسے انگریزی میں "I hope" یا "if only" کہنا۔

تاہم اُن کا مزید کہنا تھا کہ یہ پرتگالی لفظ عربی اصطلاح 'انشا اللہ' سے ہی ماخوذ ہے جس کا مطلب ہے 'خدا کی مرضی'، پرتگالی زبان میں یہ لفظ دعا یا امید کے اظہار کے لیے استعمال ہوتا ہے۔