سابق وزیراعظم عمران خان نے سابق خاتون اول بشریٰ بی بی پر بے بنیاد الزامات لگانے پر گلوکار سلمان احمد کو آڑے ہاتھوں لے لیا۔

توشہ خانہ کیس میں اہلیہ اور خود پر فرد جرم عائد کیے جانے کے بعد اڈیالہ جیل میں بانی پی ٹی آئی عمران خان نے صحافیوں سے گفتگو کی۔

عمران خان اور بشریٰ بی بی کی طلاق؟ فیصل واوڈا نے بڑا دعویٰ کردیا

پی ٹی آئی کے حامیوں کیجانب سے فیصل واوڈا کو اس بیان پر شدید تنقید کا سامنا

گفتگو کے دوران عمران خان پارٹی کے ’فرینڈلی اپوزیشن‘ کے کردار سے نالاں نظر آئے، انہوں نے پی ٹی آئی قیادت کو ’سب ٹھیک ہے‘ جیسا برتاؤ کرنے پر تنقید کا نشانہ بناتے ہوئے حکومت کو پھر خبردار کیا کہ اگر ان کے مطالبات کو نظر انداز کیا جاتا رہا تو وہ سول نافرمانی کی کال دیں گے۔

عمران خان نے اہلیہ بشریٰ بی بی کے خلاف بے بنیاد الزامات لگانے پر گلوکار سلمان احمد کو شدید تنقید کا نشانہ بنایا اور اُن کی ٹوئٹس کو احمقانہ قرار دیدیا۔

میڈیا رپورٹس کے مطابق عمران خان نے کہا کہ 'سلمان احمد کو شرم آنی چاہیے کہ خود امریکا میں بیٹھا ہے اور بشریٰ بی بی کیخلاف بےبنیاد الزامات لگا رہا ہے'۔

توشہ خانہ 2: عمران خان اور بشریٰ بی بی پر فردِ جرم عائد

کیس کی سماعت اڈیالہ جیل میں ہوئی جس میں ملزمان موجود تھے۔

بانی پی ٹی آئی کی جانب سے یہ بیان ایسے وقت میں سامنے آیا ہے جب پی ٹی آئی کے پُرزور حامی گلوکار سلمان احمد کی جانب سے بشریٰ بی بی کیخلاف متواتر کئی سوشل میڈیا پوسٹس سامنے آچکی ہیں۔

حال میں ایک پوسٹ میں سلمان احمد نے الزام عائد کیا تھا کہ اسٹیبلشمنٹ عمران خان کو قتل کرکے متبادل قیادت کو آگے لانا چاہتی ہے اور بشریٰ بی بی اس پلان کا حصہ ہیں جس کا میرے پاس ثبوت بھی موجود ہے۔