پاکستانی اداکارہ سونیا حسین اور بالی وڈ کی دبنگ اداکارہ سوناکشی سنہا کی ایک ساتھ وائرل ہونے والی تصاویر سب کی توجہ کا مرکز بن گئیں۔

سونیا حسین نے سال 2011 میں ٹی وی اسکرینز کی زینت بننے والے ڈرامے ’دریچہ‘ میں ایک معاون کردار نبھاتے ہوئے اداکاری کی دنیا میں قدم رکھا جس کے بعد وہ متعدد ڈراموں میں لیڈنگ رولز کرتی نظر آئیں۔

سونیا حسین کو ماہرہ خان جیسی شادی کی خواہش

سونیا حسین نے اپنی پسندیدہ شادی کی تقریب سے متعلق بتادیا

سونیا حسین فلم ’مور‘ میں ’امبر‘ نامی کردار ادا کرتی دکھیں جبکہ فلم ’آزادی‘ میں انہوں نے مرکزی کردار نبھایا۔

’عشق زہے نصیب‘ ، ’محبت تجھے الوداع‘ اور ’میری گڑیا‘ جیسے ڈراموں میں بہترین اداکاری کے جوہر دکھانے والی اداکارہ سونیا حسین کی سوشل میڈیا پر ایک تصویر زیرِ گردش ہے جس میں وہ اپنے حسن کی تمام تر رعنائیوں کے ساتھ بالی وڈ کی اداکارہ سوناکشی سنہا کے ساتھ فریم شیئر کرتی دکھ رہی ہیں۔

وائرل ہونے والی تصویر ریحان صدیقی نے شیئر کی ہے جس میں سونیا حسین، سوناکشی سنہا اور انکے شوہر ظہیر اقبال انکے ساتھ کھڑے پوز دے رہے ہیں۔

یہ تصاویر سونیا حسین اور سوناکشی سنہا کی 'دھانانی انویسٹمنٹ' کے 'ہولیڈے گالا 2024' میں بطور مہمانِ خصوصی شرکت کی ہیں۔

خود سونیا حسین نے یہ بھی یہ تصویر بطور اسٹوری اپنے انسٹاگرام اکاؤنٹ پر شیئر کی اور ساتھ سوناکشی سنہا اور ظہیر اقبال کو میشن کرتے ہوئے لکھا کہ 'سونا اور ظہیر مبارک ہو، آپ دونوں بہت پیارے ہیں، دعا ہے کہ آپ دونوں کا ہنی مون پیریئڈ ہمیشہ چلتا رہے، پاکستان کی جانب سے محبت'۔

اس موقع پر سونیا حسین نے کریمی جوڑا پہنا جبکہ سوناکشی سنہا گہرے نیلے لباس میں ملبوس تھیں اور ظہیر اقبال نے نیلی شرٹ پینٹس پر سبز کوٹ پہنا۔

پاکستان اور بھارت سے تعلق رکھنے والی دو حسیناؤں کا یوں غیر متوقع ملاپ سوشل میڈیا پر خوب چرچوں میں ہے۔

یاد رہے کہ اس سے قبل سوناکشی سنہا اور ظہیر اقبال کی ملاقات پاکستانی اداکارہ عریشہ رضی سے بھی ہوئی تھی اور اس وقت بھی دونوں اپنا ہنی مون پیریئڈ ہی گزار رہے تھے۔