پاکستانی سینئر اداکارہ صبا فیصل نے اپنی تیسری اولاد کی ڈیلیوری کے وقت شوہر فیصل کی کبھی نہ بھلائے جانے والی حرکت کا انکشاف کردیا۔

پاکستانی ڈراموں میں اپنی بہترین اداکاری سے ناظرین کے دل جیتنے والی اداکارہ صبا فیصل کے مشہور ڈراموں میں 'درِ شہوار' ، 'ہمسفر' ، 'خدا اور محبت' ، 'حبس' ، 'خئی' اور 'ذرا یاد کر' جیسے ڈرامے شامل ہیں۔

صبا فیصل کے بڑے پوتے کی سالگرہ کی رنگا رنگ تقریب

ننھے روحان کی برتھ ڈے پارٹی کا تھیم 'کوکو میلن'

ہر انٹرویو میں بیٹوں، بہووں، بیٹیوں اور داما کے حوالے سے بات کرتی نظر آنے والی صبا فیصل نے حال ہی میں ندا یاسر کے مارننگ شو میں اپنے شوہر فیصل کے بارے میں بھی بات کی اور ایسا واقعہ سنایا جس پر سب حیران ہونے کے ساتھ ساتھ ہنس بھی پڑے۔

صبا فیصل نے کہا کہ 'شوہر فیصل کی ایک بات میں کبھی نہیں بھول سکتی، جب میرے ہاں تیسری اولاد یعنی ارسلان کی پیدائش ہونے والی تھی تو والدہ کیونکہ قریب رہتی تھیں اس لیے انکا ساتھ حاصل تھا '۔

صبا فیصل نے بڑے بیٹے سے شادی کے بعد کیا امید لگائی؟

صبا فیصل کی بڑے بیٹے سے لگائی کونسی امیدیں ٹوٹ گئیں؟

انہوں نے بتایا کہ 'ڈیلیوری کی صبح میں نے شوہر کو بتایا کہ مجھے ایسا محسوس ہورہا ہے کہ آج ہسپتال جانا پڑے گا، اس کے بعد وہ آفس چلے گئے اور بعد میں مجھے ہسپتال لے گئے، اس دور میں موبائل فون تو ہوتے نہیں تھے، لینڈ لائن ہوتی تھیں اس لیے رابطہ بھی آسان نہیں ہوتا تھا'۔

صبا فیصل نے کہا کہ 'میرا کیس بہت کریٹیکل تھا، ارسلان ہو بھی گیا رات ہوگئی، میری حالت ایسی ہوگئی تھی آنکھوں سے دکھ بھی نہیں رہا تھا، لیکن فیصل نہیں آئے، سب یہی سوال کرنے لگے کہ فیصل کہاں ہیں؟'

صبا فیصل بہوؤں کو بیٹی کیوں نہیں مانتیں؟ خود بتادیا

صبا فیصل کیلئے بیٹی اور بہو ایک جیسی کیوں نہیں؟

انہوں نے انکشاف کیا کہ 'فیصل رات میں 9 بجے آئے تو سب نے پوچھا کہاں تھے؟ جس پر وہ بولے کہ نیلام گھر تک آئے تو سوچا شو ہی دیکھ لوں، جس پر میں آج تک انہیں کہتی ہوں کہ بھئی یہ آپ نے اچھا نہیں کیا'۔

صبا فیصل نے یہ بھی بتایا کہ 'فیصل کی یہ عادت ہے کہ اگر کوئی بیمار ہو یا کوئی مشکل آجائے تو وہ خاموش ہوکر آنکھیں بند کر کے سائیڈ پر بیٹھ جاتے ہیں کہ وقت گزر جائے خود ہی، لیکن میرے دونوں بیٹے اپنے بچوں اور بیویوں کیلئے بہت کیریئرنگ ہیں'۔