بھارتی اداکارہ پریتی زنٹا نے بھارتی حکومت سے مطالبہ کیا ہے کہ اٹلی کی طرح جنسی جرائم میں ملوث افراد کو نامرد بنانے کا قانون بھارت میں بھی نافذ کیا جائے۔

طالبعلم کیساتھ جنسی تعلق پر خاتون ٹیچر کو 30 سال قید کی سزا

میلیسا نے کلاس روم، گھر اور گاڑی میں طالبعلم کے ساتھ لگ بھگ 20 بار جنسی تعلق قائم کیا

پریتی کا یہ بیان ایسے وقت میں سامنے آیا ہے جب اطالوی وزیراعظم جارجیا میلونی کی جانب سے اٹلی میں جنسی جرائم میں ملوث مجرمان کو نامرد بنانے کا قانون لانے کی مہم جاری ہے۔

مذکورہ معاملے پر رواں برس ستمبر میں اطالوی قانون سازوں کی جانب سے کمیٹی بنانے کی منظوری دی گئی تھی۔

یہ خبر مائیکرو بلاگنگ پلیٹ فارم 'ایکس' پر شیئر کرتے ہوئے پریتی زنٹا کا کہنا تھا کہ 'یہ ایک بہترین اقدام ہے، امید ہے کہ بھارتی حکومت بھی کبھی نہ کبھی ایسا ہی کرے'۔

انہوں نے اپنی رائے کی تائید کیلئے فالوورز سے بھی سوال کیا کہ ’آپ لوگوں کا کیا خیال ہے دوستو؟ اس طرح کے جرائم کیلئے عدم برداشت کی پالیسی اپنانے کا یہی وقت ہے'۔

دلچسپ بات یہ ہے کہ سابق وزیراعظم پاکستان عمران خان بھی اپنے دورِحکومت میں جنسی جرائم کی روک تھام کیلئے اس میں ملوث مجرمان کو جنسی صلاحیت سے محروم (کیمیکل کاسٹریشن) کرنے کی حمایت کر چکے ہیں۔

چائلڈ ابیوز پر مبنی فلمیں اپلوڈ کرنے میں بھارت کا پہلا نمبر

بھارت میں سال 2023  کے دوران بچوں کے ساتھ جنسی جرائم کی تصاویر اور فلمیں سب سے زیادہ...

ستمبر 2020 میں وزیر اعظم عمران خان نے ایک بیان میں کہا تھا کہ خواتین اور بچوں سے زیادتی کے مجرموں کو سرِعام پھانسی دینی چاہیے یا پھر انہیں جنسی صلاحیت سے ہی محروم کردینا چاہیے۔

بعدازاں جون 2021 میں قومی اسمبلی کی قائمہ کمیٹی برائے قانون و انصاف نے ریپ کے مجرموں کی جنسی صلاحیت ختم کرنے اور ریپ کے مقدمات کی سماعت کے لیے مخصوص عدالتیں قائم کرنے سے متعلق قوانین کی منظوری دے دی تھی۔

تاہم نومبر 2021 میں اسلامی نظریاتی کونسل (سی آئی آئی) نے فوجداری قانون (ترمیمی) آرڈیننس 2020 کے تحت ریپ کے مجرم کو نامرد بنانے کے قانون کو غیر اسلامی قرار دیدیا تھا۔