پاکستانی اداکار منیب بٹ نے اہلیہ ایمن خان کیساتھ تقریباً  2 سال کے عرصے پر مشتمل منگنی کرنے کی وجہ بتاتے ہوئے اپنے خیالات کا بھی اظہار کردیا۔

منیب بٹ نے سال 21 نومبر 2018 میں ساتھی اداکارہ ایمن خان سے محبت کی شادی کی جس کے ایک سال بعد 2019 میں انکے گھر ننھی پری امل بٹ کی پیدائش ہوئی اور گزشتہ سال 2023 میں ایک اور ننھی پری کے والدین بنے جس کا نام میرال بٹ رکھا۔

منیب بٹ اب کیسی شادی کرنے کے خواہشمند؟

منیب بٹ سالوں بعد اپنی مہنگی ترین شادی پر شرمندہ؟

ایمن خان شادی کے بعد شوبز انڈسٹری کو خیرباد کہہ چکی ہیں جبکہ منیب بٹ تاحال اسی فیلڈ سے وابسطہ ہیں لیکن اس کے ساتھ منیب بٹ نے یوٹیوب وی لاگنگ بھی شروع کی جو فینز میں خاصا مقبول ہوئی۔

منیب بٹ اور ایمن خان کی شادی سے قبل 6 جنوری 2017 کو منگنی ہوئی جو ایک سال 11 ماہ کے عرصے تک چلی اور نومبر 2018 میں دونوں نے شادی کر کے اپنی منگنی کے وعدے کو مزید مضبوط بنا دیا۔

ویڈیو، ایمن اور منیب بٹ باکو میں ایک ساتھ کھو گئے

ایمن اور منیب کے بیٹیوں کے ہمراہ باکو میں سیر سپاٹے

دونوں اپنی زندگی میں بے انتہا خوش ہیں اور یہی وجہ ہے کہ منیب بٹ اپنے انٹریوز میں سب کو جلد از جلد شادی کرنے کا مشورہ دیتے ہیں۔

ایک انٹرویو کی ویڈیو کلپ زیرِ گردش ہے جس میں منیب بٹ منگنی کے ٹائم کو یاد کرتے ہوئے کہتے سنائی دیے کہ 'ہمارا منگنی اور شادی کے درمیان جو ایک مشکل وقت آتا ہے وہ تھا ہی نہیں، جبکہ منگنی تقریباً دو سال کی تھی اور سب ہمیں ڈراتے تھے کہ اتنی لمبی منگنی نہیں کرنی چاہیے ٹوٹ جاتی ہے تم نکاح کرلو'۔

انہوں نے بتایا کہ ' میں تو منگنی کے حق میں ہی نہیں تھا کہ کیا پہلے منگنی کریں پھر شادی تو اچھا یہ ہے کہ سیدھا شادی کرلو لیکن ایمن کا شناختی کارڈ نہیں بنا تھا جس کی وجہ سے انتظار کرنا تھا'۔

ایمن اور منیب کی دبئی 'ڈیٹ نائٹ' کی تصاویر وائرل

جیپنیز ریسٹورنٹ میں گزاری یادگار رات کی تصاویر جاری

اسی انٹرویو میں ساتھ بیٹھی ایمن خان نے کہا کہ 'منگنی اسی وجہ سے پہلے کرلی تھی کیوں کہ میں چھوٹی تھی اور اتنا وقت ایک دوسرے کیلئے ملنا چاہئے، ہم دونوں ہی اپنے کریئر میں بھی مصروف تھے'، جس پر میزبان نے پوچھا کے اگر اتنی چھوٹی تھیں آپ تو والدین نے منع نہیں کیا کہ 'اتنی جلدی کیا ہے؟' 

ایمن خان نے جواب دیا کہ 'اس وقت کوئی بھی اپنے والدین کی سنتا ہی نہیں ہے کہ وہ کیا کہہ رہے ہیں'۔